Degenmen álem boıynsha shylymqorlar sany azaıyp keledi.
Búginde kúlli álem boıynsha 1,25 mlrd eresek adam shylym shegedi, alaıda, sońǵy jyldary temeki ónimderin tutyný deńgeıi jyldan jylǵa tómendep keledi, dep habarlaıdy Almaty-akshamy.kz.
Bul jaıynda islam.kz portaly óz kezeginde Birikken Ulttar Uıymynyń jańalyqtar qyzmetine jón siltegen forbes.kz aqparat kózine silteme jasaı otyryp málim etedi.
Dáliregi, adamzattyń árbir besinshi eresek turǵyny temeki tartady, al 2000 jyly adamzattyń árbir úshinshisi shylym shegetin. Baıandamada keltirilgen derekke qaraǵanda, 150 memleket temeki ónimderin tutyný deńgeıin tómendete alǵan. Bul tarapta Brazılıa men Nıderlandy Dúnıejúzilik densaýlyq saqtaý uıymynyń temekige qarsy kúres sharalaryn engizgennen keıin tabysqa qol jetkizgen: Brazılıa 2010 jyldan beri temeki tartatyn turǵyndar qarasyn 35 paıyzǵa, al Nıderlandy 30 paıyzǵa deıin tómendete alǵan. Al shylymqor turǵyndary boıynsha Kongo, Mysyr, Indonezıa, Iordanıa, Oman jáne Moldova kósh bastap tur. Qazirgi ýaqytta temeki ónimderin paıdalanýdyń eń joǵary deńgeıi Ońtústik-SHyǵys Azıa aımaǵynda baıqalady, onda halyqtyń 26,5 paıyzy shylym shegedi. Ekinshi orynda Eýropa - halyqtyń 25,3 paıyzy temeki ónimderin tutynady. Sarapshylardyń aıtýynsha, 2030 jylǵa qaraı temeki ónimderin tutynýmen baılanysty aýrýlardan zardap shegetinder qarasy kóbeıedi. Dúnıejúzilik densaýlyq saqtaý uıymynyń esebi boıynsha 2025 jylǵa qaraı álem temeki ónimderin tutynýdyń 2010 jylǵy deńgeımen salystyrǵanda 25 paıyzǵa azaıtady.