2040 jylǵa qaraı Almatyda turǵyndar sany 3 mln. asa adamǵa jetedi dep boljanýda. Olardy qonystandyrý jobasy tómendegideı bolady:
Ońtústik-batys josparlaý aımaǵynda 1,3 mln. adam ( 44,6%), Ortalyq josparlaý aımaǵynda 0,5 mln. adam (18,1%) jáne Shyǵys josparlaý aımaǵynda 0,45 mln. adam (15,2%) qonystanatyn bolady.
Statısıkalyq basqarmanyń málimetinshe, Almaty qalasynyń halqy eńbek etetin salalardyń qurylymy mynany kýálandyrady:
2020 jyly qalanyń halyq-sharýashylyq kesheninde 936,5 myń adam jumyspen qamtyldy. Onyń ishinde jumyspen qamtylǵandardyń negizgi úlesi (37,6%) saýda, tamaqtaný, turmystyq jáne qonaq úı servısi salasyna tıesili, ákimshilik-iskerlik, ǵylymı jáne qarjy sektorlarynyń mekemelerinde 18,7%-y, ónerkásip, kólik jáne qoıma salasynda 15,8%-y jumys isteıdi.
Jumyspen qamtylǵandardy aýmaqqa bólý boıynsha Ortalyq josparlaý aımaǵy jáne Ońtústik-batys josparlaý aımaqtary kósh bastap tur – jumyspen qamtylǵandardyń jalpy sanynyń 36%-y
Áleýmettik-ekonomıkalyq qyzmet túrleri boıynsha 2020-2040 jyldary josparlaý aımaqtary bólinisinde Almaty qalasynyń halqy eńbek etetin jańa oryndardy boljamdy ornalastyrý
2040 jylǵa deıingi kezeńde Almaty qalasynyń áleýmettik sektorynda jumyspen qamtylǵandar sanyn 236,3 myń adamǵa ulǵaıtý josparlanýda.
Onyń ishinde:
- bilim berý mekemelerinde – 40,3%,
- tamaq saýdasy jáne qonaq úı servısi salasynda – 24,7%
- óner, sport jáne oıyn-saýyq salasyndaǵy qyzmetter salasynda – 20,7%
Aýmaqtyq qaǵıdat boıynsha áleýmettik salada jumyspen qamtylǵandardyń eń kóp paıyzy Ońtústik-batys josparlaý aımaǵynda – 99,3 myń adamǵa jáne Ortalyq josparlaý aımaǵynda - 18,2 myń adamǵa negizdeletin bolady.
Almatynyń jańa bas josparyn jáne polıortalyqtardyń sheber-josparlaryn qabyldaý jáne iske asyrý nátıjesinde qala 2030 jylǵa qaraı 180 myńǵa jýyq jumys orny ashylady (2025 jylǵa deıin – 65 myń), onyń ishinde áleýmettik salada jáne tirshilikti qamtamasyz etý qyzmetterinde (dárigerler, oqytýshylar, polıseıler, órt sóndirýshiler jáne t.b.) shamamen 30%, 70% – mamandandyrylǵan jumys oryndary.
Bul Almatyda turaqty ekonomıkalyq ósý men áleýmettik turaqtylyq úshin jaǵdaı jasaýǵa tıis negizgi faktorlardyń biri.
Svátoslav Mýrýnov,
Qoldanbaly ýrbanıstıka ortalyǵynyń mamany