2022 jyly 13% bolǵan.
Mádenıet jáne sport mınıstri Asqat Oralov otandyq kınematografıany, sonyń ishinde jeke kınokompanıalardy damytý jáne qoldaý sharalary arqyly qazaqstandyq fılmderdiń prokat kólemi 2030 jylǵa deıin 35%-ǵa artatynyn aıtty, dep habarlaıdy Almaty-akshamy.kz
"Sonymen qatar Qazaqstan kınematografıasynyń halyqaralyq festıválder men konkýrstardaǵy aıasy ulǵaıady. Óńirlerde keshendi memlekettik-jeke menshik kınoprokatty uıymdastyrý maqsatynda proeksıalyq jabdyqtar men jyljymaly kınoqondyrǵylardy kezeń-kezeńimen alý máselesi pysyqtalady".
Sonymen qatar mınıstr jergilikti atqarýshy organdarmen jáne shyǵarmashylyq zıaly qaýymmen birlesip, Respýblıka kúnine oraı "Qazaqstannyń halyq ártisi" ataǵyn berý jónindegi usynystar engiziletinin aıtty.
Oǵan qosa aldaǵy ýaqytta elimizdegi memlekettik teatrlardyń repertýarlary otandyq avtorlardyń kem degende 1 qoıylymymen jyl saıyn tolyǵyp otyrady.
Mádenıet pen ónerde júrgen talantty jastardy halyqaralyq deńgeıge shyǵarý maqsatynda jańa konkýrstar men festıválder usynylyp, olarǵa qoldaý kórsetiledi.
Odan bólek, mýzeıler men kitaphanalar mádenı qundylyqtarǵa qoljetimdilikti qamtamasyz etetin kóp fýnksıonaldy aqparattyq jáne demalys ortalyǵyna aınalýǵa tıis.
"Júrgizilip jatqan jumystyń nátıjesinde elimizdegi mýzeıler men kitaphanalarǵa kelýshilerdiń jyl saıynǵy sany 3%-ǵa (2022 jyly – 58,8 mln, jyl saıyn 764 myń adamǵa ósý josparlanǵan) artady", - dedi mınıstr.