2025 jyldyń basynan beri Áleýmettik qyzmetter portaly arqyly múgedektigi bar adamdardyń 127,8 myń tapsyrysy oryndaldy, onyń ishinde: 90 myńǵa jýyq ońaltýdyń tehnıkalyq quraldaryn, 7,3 myń – ymdaý tili, 24,2 myń – jeke kómekshi, 6,2 myń – sanatorıılik-kýrorttyq emdeý qyzmetterin aldy, dep habarlaıdy aqshamnews.kz.
Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq sıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe áketý arqyly alýǵa bolady.
Múgedektigi bar adamdardy ońaltý quraldarymen qamtamasyz etý protezdik-ortopedıalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdi qamtıdy.
Qazirgi ýaqytta Portalda 719 arnaýly áleýmettik qyzmet kórsetýshi, 938 OTQ jetkizýshisi, 31 myńnan astam jeke kómekshi, 756 ymdaý tili jáne 129 sanatorıılik-kýrorttyq emdeý qyzmetterin usynýshy tirkelgen.
Portaldy paıdalaný boıynsha konsýltasıalardy qoldaý baılanys ortalyǵynan, ıaǵnı 1414 biryńǵaı nómiri arqyly habarlasýǵa bolady.