Bul týraly Úkimet otyrysynda QR Aýyl sharýashylyǵy mınıstri Erbol Qarashókeev aıtty.
2025 jylǵa qaraı qus fabrıkalaryn salý jáne jańǵyrtý esebinen tolyq ımportty almastyrý josparlanyp otyr, dep habarlaıdy Almaty-akshamy.kz QazAqparatqa silteme jasap.
«2021 jyly qus eti boıynsha ımport úlesi 168,5 myń tonnany, jergilikti óndiris 282,3 myń tonnany qurady. Osylaısha, jalpy óndiris qýaty jylyna 223,1 myń tonnany quraıtyn 23 qus fabrıkasyn salý jáne jańǵyrtý esebinen 2025 jylǵa qaraı tolyq ımportty almastyrý josparlanyp otyr», - dedi Erbol Qarashókeev.
Sonymen qatar ol 2025 jyldyń sońyna deıin 24 et kombınaty paıdalanýǵa beriletindigin aıtty.
«2025 jyldyń sońyna deıin 24 et kombınatyn iske qosý, 8,2 myń gektar alańda baqtar salý boıynsha 22 joba, 20 sút óńdeý zaýytyn iske qosý, 23 qus fabrıkasyn salý jáne keńeıtý, jańǵyrtýǵa qatysty 2 joba jáne 1 qant zaýytyn salý josparlanýda», - dedi mınıstr.