Qazaqstanda avtokólik ótkizý pýnkterin tolyqqandy jańǵyrtý jalǵasýda.
Búgingi tańda jańartý Qytaı, Ózbekstan jáne Túrikmenstan shekarasyndaǵy 9 baqylaý-ótkizý pýnktine qatysty, dep habarlaıdy aqshamnews.kz.
UKIMET telegramm kanalynyń habarlaýynsha, josparlanǵan jumystar sheńberinde ótkizý múmkindigin táýligine 6 retke deıin, orta eseppen 170-ten 960 kólikke deıin arttyrý sondaı-aq shekaradan ótý ýaqytyn 30 mınýtqa deıin qysqartý kútilip otyr. Bıyl 9 baqylaý-ótkizý pýnktin jańǵyrtý jumystaryn aıaqtaý josparlanyp otyr.
Sonymen qatar Eýrazıa ekonomıkalyq odaqtyń syrtqy shekarasy boıynsha barlyq 10 avtomobıldik shekara beketinde avtomattandyrylǵan elektrondy kezek júıesi engizildi. Ony «Qoldau.kz» platformasynda jáne «CargoRuqsat» mobıldi qosymshasy arqyly paıdalanýǵa bolady.
Júıeni engizý respýblıkalyq mańyzy bar joldar boıynda avtokólikterdiń jınalyp qalýyn boldyrmaýǵa múmkindik berdi jáne tasymaldaý prosesiniń ashyqtyǵyn qamtamasyz etti.
2025 jylǵy 1 qańtardan bastap memlekettik satyp alýdaǵy negizgi ózgerister
Prezıdent tapsyrmasy boıynsha memlekettik satyp alý júıesin jetildirý sheńberinde elimizde 2025 jyldyń 1 qańtarynan bastap qoldanysqa engizilgen «Memlekettik satyp alý týraly» jańa Zań ázirlendi. Qujat tender ótkizý rásimderin ońtaılandyrýǵa, satyp alynatyn taýarlardyń, jumystardyń, kórsetiletin qyzmetterdiń sapasyn arttyrýǵa, sondaı-aq otandyq óndirýshilerdi qoldaýǵa baǵyttalǵan. Atap aıtqanda, ózgerister kelesilerge áser etti:
-
konkýrs ótkizý merzimi qysqartyldy (konkýrstyq qujattamany talqylaý 5 jumys kúninen 2 jumys kúnine deıin; ótinimderdi qabyldaý 15 jumys kúninen 5 jumys kúnine deıin; ótinimderdi qaraý jáne qorytyndylaý 10 jumys kúninen 3 jumys kúnine deıin);
-
qurylysqa baılanysty jumys boıynsha qoǵamdyq monıtorıń engizilýde. Jumysty oryndaý kestelerin, sharttardyń oryndalýy týraly esepterdi jalpyǵa qoljetimdi etý, sharttardyń oryndalýyn baqylaýǵa jurtshylyqty tartý josparlanýda;
-
satyp alý nátıjelerine shaǵymdanýdyń jańa tártibi iske asyrylýda. Satyp alýdy jedel júrgizý jáne rásimderdiń keshiktirilýin boldyrmaý maqsatynda shaǵymdardy satyp alýdy uıymdastyrýshynyń ózi qaraıtyn bolady.
-
az mólsherdegi satyp alýlar boıynsha 100 AEK-ke deıingi taýarlardy, 500 AEK-ke deıingi jumystar men qyzmetterdi bir kózden alý quqyǵy engizildi. Aýyldyq ákimdikter úshin bir kózden satyp alýdyń shekti mólsheri 3 000 AEK-ten 4 000 AEK-ke deıin ulǵaıtyldy.
-
shaǵyn jáne orta kásipkerlik sýbektilerin qoldaý maqsatynda osy sanattaǵy sýbektilerden quny 50 000 AEK-ten aspaıtyn taýarlardy, jumystar men kórsetiletin qyzmetterdi satyp alýdyń basym quqyǵy belgilendi;
-
ishki naryqty qoldaý maqsatynda ulttyq rejımnen alyp tastaýdy belgileý arqyly veb-portalda otandyq óndiris taýarlaryn basymdyqpen alý boıynsha jumys jalǵasady;
-
básekelestikti damytý jáne bıznesti qorǵaý maqsatynda memlekettik mekemeler jáne kvazımemlekettik sektor sýbektileri sanalatyn ónim berýshilerdiń ótinimderin jeke kásipkerlik sýbektileri sanalatyn ónim berýshilerden keminde eki ótinim bolǵan jaǵdaıda veb-portal avtomatty túrde qabyldamaıdy;
-
baǵalyq emes krıterıılerdi damytý jáne jergilikti jetkizýshilerdi qoldaý maqsatynda aýmaqtyq belgi (1%-dan 2%-ǵa deıin) jáne teris mánder (0.1%-dan 0.2%-ǵa deıin) túrindegi shartty jeńildikterdi esepteý ózgertildi.