Akademıalyq derbestik alǵan kolejderde oqý merzimi 3 jyl 10 aıdan, 2 jylǵa deıin qysqarady
2025 jylǵa deıin barlyq talapker kolejde tegin oqýǵa múmkindik alady. Bul týraly onlaın-brıfıng barysynda Oqý-aǵartý mınıstrligi Tehnıkalyq jáne kásiptik bilim departamentiniń basshysy Altaı Rahımberlın málim etti, dep habarlaıdy Almaty-akshamy.kz QazAqparatqa silteme jasap.
«Bıyl elimizdiń kásiptik-tehnıkalyq oqý oryndaryna 180 myńnan astam talapker qabyldandy. Onyń ishinde 125 myńnan astam talapker memlekettik granttarǵa ıe boldy. Jalpy, «Bilimdi ult» sapaly bilim berý ulttyq jobasy aıasynda barlyq kolejge túsýge nıet bildirýshilerdi tegin bilimmen qamtýdy josparlap otyrmyz. 2025 jylǵa deıin talapkerlerdiń túgeli kolejde tegin oqýǵa múmkindik alady», - dep túsindirdi Altaı Rahımberlın.
Onyń aıtýynsha, akademıalyq derbestik alǵan kolejderde oqý merzimi 3 jyl 10 aıdan, 2 jylǵa deıin qysqarady. Sonymen birge, kásiptik-tehnıkalyq bili berý uıymdary jergilikti kásiporyndarmen kelisim jasasady. Sonyń negizinde olar oqýdy aıaqtaǵannan keıin 100 paıyz jumysqa ornalasýǵabili kepildik almaq.