14 jasqa deıingi balalar arasynda COVID-19 jaǵdaılarynyń ósýi baıqalady
Bıylǵy 7 jeltoqsandaǵy jaǵdaı boıynsha Aqmola oblysynda koronavırýstyq ınfeksıamen syrqattanýshylyq boıynsha epıdemıologıalyq jaǵdaı salystyrmaly túrde turaqty. Alaıda, 14 jasqa deıingi balalar arasynda COVID-19 jaǵdaılarynyń ósýi baıqalady. Bul týraly jýrnalısermen ótken brıfıńide Aqmola oblystyq sanıtarlyq-epıdemıologıalyq baqylaý departamentiniń basshysy Aınagúl Mýsına málimet etti, dep habarlaıdy Almaty-akshamy.kz QazAqparatqa silteme jasap.
Óńirdiń bas memlekettik sanıtarlyq dárigeriniń aıtýynsha, qazan aıynda 13 bala aýyryp qaldy, bul naýqastardyń jalpy sanynyń 12,7 paıyzyn qurady, qarashada-12 bala (12,4 paıyz), jeltoqsanda 9 bala, barlyq jaǵdaılardyń úles salmaǵy 29 paıyz boldy. Jeltoqsan aıynda COVID-19-dyń 38 jaǵdaıy tirkeldi, sońǵy aptada 4 jaǵdaıdyń ósýi baıqaldy, onyń 95 paıyzy sımptomatıkalyq, 5 paıyzy asımptomatıkalyq.
Osy rette, naýqastardyń eń kóp paıyzy qajetti ımýnıteti joq adamdarda - 76,9 paıyz (197 adam), onyń ishinde vaksınasıalanbaǵandarda - 48,4 paıyz (124 adam), ýaqtyly revaksınasıa almaǵandarda - 8,5 paıyz (73 adam) boldy. Qazan aıynda aýyrǵandardyń 119-y, onyń 57-si (47,8 paıyz) vaksınasıalanbaǵan, 34-i (54,8 paıyz) ýaqtyly revaksınasıa almaǵan, 91-i (76,4 paıyz) ımýnıteti jetkiliksiz. Qarasha aıynda aýyrǵandardyń 99-y, olardyń 46-sy (46,4 paıyz) vaksınasıalanbaǵan, 29-y (54,7 paıyz) ýaqtyly revaksınasıa almaǵan, 75-i (75,7 paıyz) ımýnıteti jetkiliksiz. Jeltoqsan aıynda aýyrǵandardyń 38-i, onyń 21-i (55,2 paıyz) vaksınasıalanbaǵan, 10-y (58,8 paıyz) ýaqtyly revaksınasıa almaǵan, 31-i (81,5 paıyz) ımýnıteti jetkiliksiz.
«Búgingi tańda oblysta koronavırýstyq ınfeksıany juqtyrǵan naýqastardy aýrýhanaǵa jatqyzý úshin 63 tósek-oryn jaıǵastyryldy, 7 jeltoqsandaǵy jaǵdaı boıynsha onyń 3 paıyzyna naýqastar ornalystyryldy. Aýrýhanaǵa jatqyzylǵandardyń barlyǵy-3 adam, onyń ishinde bireýi bala, bireýi júkti áıel», - dedi óńirdiń bas memlekettik sanıtarlyq dárigeri Aınagúl Mýsına.
Aıta ketsek, Aqmola oblysynda eki medısınalyq nysan paıdalanýǵa berildi.