Eki kózden tólenetin arnaýly áleýmettik tólemge (respýblıkalyq búdjet jáne Biryńǵaı jınaqtaýshy zeınetaqy qory) 128 adam júgindi, onyń 127-ne arnaýly áleýmettik tólem taǵaıyndaldy.
Tórt qarjylandyrý kózinen beriletin AÁT (respýblıkalyq búdjet, Biryńǵaı jınaqtaýshy zeınetaqy qory, jumys berýshi jáne ómirdi saqtandyrý uıymy) taǵaıyndaýǵa 1829 adam ótinish bildirip, onyń 1813-ine taǵaıyndalǵan.
Mindetti shartqa sáıkes kelmeýine baılanysty 1 ótinish berýshige AÁT taǵaıyndaýdan bas tartyldy, sondaı-aq 16 azamattyń ótinishteri qaraý satysynda tur.
Sondaı-aq, 74 azamat saqtandyrý kompanıasymen zeınetkerlik aldyndaǵy anýıtet shartynyń jasalýyn kútýde, 50 azamat SMS habarlamaǵa jaýap bermegen.
Óńirler bólinisinde arnaýly áleýmettik tólemge ótinish bildirgenderdiń eń kóp sany Qaraǵandy (2 kózden – 17 adam, 4 kózden – 217 adam), Shyǵys Qazaqstan (2 kózden – 16 adam, 4 kózden – 180 adam) jáne Qostanaı (2 kózden – 2 adam, 4 kózden – 180 adam) oblystarynda tirkeldi.
2024 jyldyń 1 qańtarynan bastap Qazaqstanda zıandy eńbek jaǵdaılarynda uzaq ýaqyt jumys istegen adamdarǵa arnaýly áleýmettik tólem engizildi.
Arnaýly áleýmettik tólem taǵaıyndaý úshin 55 jasqa tolý jáne Biryńǵaı jınaqtaýshy zeınetaqy qorynda keminde 7 jyl kásiptik zeınetaqy aýdarymdarynyń bolýy mindetti sharttar bolyp tabylady. Tólem zeınetkerlik jasqa deıin tólenedi. Arnaýly áleýmettik tólemderdi alý úshin eńbek jaǵdaılary zıandy jumystarmen aınalyspaýǵa tıis. Jumyskerler jeńilirek jumysqa aýysa alady, sodan keıin olar jalaqy men tólem alady nemese demalysqa shyǵyp, zeınetke shyqqanǵa deıin arnaýly áleýmettik tólem alady.
QR Áleýmettik kodeksine sáıkes jumys berýshiler kásipteri men qyzmet túrleri Eńbek jaǵdaılary zıandy jumystarmen aınalysatyn jumyskerlerdiń, óndiristerdiń, jumystardyń, kásipterdiń tizbesine engizilgen jumyskerler úshin mindetti kásiptik zeınetaqy jarnalaryn aýdarady, olardyń 2,3 myńnan astam pozısıasy bar. Osylaısha, arnaýly áleýmettik tólemdi ekonomıkanyń 17 salasynda, onyń ishinde taý-ken óndirý jáne óńdeý ónerkásibinde jáne ózge de salalarda jumys isteıtin qazaqstandyqtar ala alady.
2024 jyldyń qorytyndysy boıynsha AÁT 13 568 azamatqa, onyń ishinde 2 kózden – 3 093 alýshyǵa, 4 kózden – 10 475 alýshyǵa taǵaıyndaldy. Tólemniń ortasha mólsheri 208 myń teńgeden asty.