2024 jyl Qazaqstanda áleýmettik qorǵaý júıesin damytýdyń mańyzdy kezeńi boldy. Negizgi qadamdardyń biri bazalyq jáne ortaq zeınetaqylardy, sondaı-aq memlekettik járdemaqylardy ındeksteýmen baılanysty áleýmettik tólemderdi arttyrý boldy. Inflásıanyń boljamdy deńgeıin eskere otyryp, tólem mólsheri ulǵaıtyldy.
Memleket basshysynyń tapsyrmasy boıynsha 2023 jyldan bastap bes jyl ishinde eń tómengi bazalyq zeınetaqyny eń tómengi kúnkóris deńgeıiniń 70%-na deıin, eń joǵarǵysy – 120%-ǵa deıin jyl saıyn kezeń-kezeńimen arttyrý júzege asyrylady. 2024 jylǵy 1 qańtardan bastap bazalyq zeınetaqynyń eń tómengi mólsheri eń tómengi kúnkóris deńgeıinen 60%-dan 65%-ǵa deıin ósti, bul 28 215 teńgeni quraıdy, eń joǵary mólsheri – eń tómengi kúnkóris deńgeıinen 100%-dan 105%-ǵa deıin, bul 45 578 teńgeni quraıdy.
2024 jylǵy 1 qańtardan bastap jumys berýshilerdiń mindetti zeınetaqy jarnalaryn kezeń-kezeńimen iske asyrý bastaldy, olar 4,3 mln-nan astam jumys isteıtin azamattardyń shottaryna aýdaryldy. Bul shara jastardyń bolashaq zeınetaqysynyń deńgeıin arttyrýǵa baǵyttalǵan.
2024 jyly zıandy eńbek jaǵdaılarynda uzaq ýaqyt jumys isteıtin azamattardy áleýmettik qoldaýdy qamtamasyz etýge erekshe nazar aýdaryldy. Jańa arnaıy áleýmettik tólem engizilip, ol 2024 jyldyń 1 qańtarynan bastap 13 myń adamǵa taǵaıyndaldy.
Jalpy, 2024 jyly respýblıkalyq búdjetten áleýmettik tólemderge 5,3 trln teńge baǵyttaldy, bul elimizdiń búdjet shyǵystarynyń jalpy kóleminiń 22%-yn qurady. Atalǵan qarajat 4,5 mln azamatty qoldaýǵa baǵyttalǵan.
