Inovasıalyq navıgator 150 myń jumys ornyn ashady dep josparlanǵan 755 ınvestısıalyq jobaǵa monıtorıń júrgizýde
Eńbek mınıstrligi jumyssyzdyq deńgeıin qysqartý jáne Qazaqstanda jumysqa ornalasý prosesin jaqsartý boıynsha belsendi jumys isteýdi jalǵastyrýda. 2024 jylǵy negizgi qadamdardyń biri Jumyspen qamtýdy tıimdi josparlaýǵa jáne eńbek naryǵynyń qajettilikterin eskerýge kómektesetin aımaqtyq jumyspen qamtý kartalaryn bekitý boldy. 2024 jyly 948 myń qazaqstandyqty jumysqa ornalastyrý josparlanǵan bolatyn, onyń ishinde jeltoqsan aıynyń basynda 845 myńnan astam adam jumyspen qamtylǵany málim boldy, bul jyldyq jospardyń 89%-yn qurady.
Bıyl 9,6 myń jumyssyz azamat úshin qysqa merzimdi kýrstar uıymdastyryldy, skills.enbek.kz platformasynda 50 myńnan astam adam onlaın oqytýdan ótti, bul olardyń biliktiligin jáne básekege qabilettiligin arttyrdy.
Budan basqa, jalaqyny sýbsıdıalaý baǵdarlamalary belsendi júzege asyrylýda. Oǵan qoǵamdyq jumystar, áleýmettik jumys oryndary, jastar tájirıbesi jáne «Alǵashqy jumys orny», «Urpaqtar kelisimsharty» jáne «Kúmis jas» jobalary kiredi. Osy baǵdarlamalar aıasynda 180 myńnan astam adam sýbsıdıalanatyn jumys oryndaryna ornalastyryldy.
Kásipkerlikti qoldaý jáne jańa jumys oryndaryn qurý úshin «Bastaý Bıznes» jobasy jalǵastyryldy, onyń sheńberinde kásipkerlikke oqytýdan ótken azamattar ózderiniń mıkrobıznesin ashýǵa óteýsiz granttar ala alady. 2024 jyly mundaı kómekke 8,9 myń adam qol jetkizdi.
Jańa jetistikterdiń biri – «Mansap Compasy» platformasyn engizý. Bul platforma azamattarǵa mamandyq tańdaýǵa, mansapty josparlaýǵa jáne suranysqa ıe mamandyqtarǵa nazar aýdarýǵa kómektesedi. Ol sondaı-aq mektep túlekteri men stýdentterge kásipte óz jolyn tabýǵa kómektesý arqyly jastar arasyndaǵy jumyssyzdyq deńgeıin azaıtýǵa yqpal etedi.
Stýdentter úshin Elektrondy eńbek bırjasynda óndiristik praktıkaǵa oryn tabýǵa kómektesetin jańa fýnksıonal engizildi. Bul jastarǵa praktıkalyq daǵdylardy alýǵa jáne eńbek naryǵynda básekege qabilettiligin arttyrýǵa múmkindik beredi.
Budan basqa, Jobalardyń ınovasıalyq navıgatory ázirlendi, onda jospar boıynsha 150 myń jumys orny ashylatyn 755 ınvestısıalyq jobaǵa monıtorıń júrgizilýde. Bolashaqta osy platforma arqyly memlekettik bastamalar sheńberinde iske asyrylatyn barlyq jobalar qadaǵalanatyn bolady.
Sondaı-aq kepildendirilgen turaqty jumyspen qamtý, qaýipsiz eńbek jaǵdaılary jáne mansaptyq múmkindikter bar jumys oryndaryn baqylaıtyn «sapaly jumys oryndaryn» monıtorıńileý júıesi qoldanylady. 2024 jyly mundaı jumys oryndarynyń sanyn 3 jylda 824 myńǵa arttyrý josparlanýda.
