Osylaısha, sary tústi avtobýstar Almatydaǵy taǵy 27 mekteptiń oqýshylaryn tasymaldaıdy. Bul týraly Almaty qalasy Bilim basqarmasynyń basshysy Lázzat Jylqybaeva máslıhattyń kezekten tys sesıasy barysynda depýtattardyń suraǵyna jaýap berdi, dep habarlaıdy almaty-akshamy.kz
Onyń aıtýynsha, monıtorıń barysynda mektepke qatynaýy qıyn qalanyń shalǵaı jerinde turatyn 8258 oqýshy anyqtaldy. Jaǵdaıdy jiti zertteýden keıin «Mektep avtobýsy» jobasyn jalǵastyrý aıasynda oqýshylardy kóptep tasymaldaý týraly sheshim qabyldandy.
«Almaty ákiminiń tapsyrmasymen pılottyq joba aıasynda bıyl 30 mektepke 100 avtobýs satyp alyndy. Ata-analardyń ótinishin zerdelep, Alataý men Túrksib aýdanyndaǵy taǵy 5 mekteptiń oqýshylaryn tasymaldaý josparlanǵan. Bul jekelegen aýdanda turatyn oqýshylardyń qatynaýyn qamtamasyz etedi», - dedi Lázzat Jylqybaeva.
Esterińizge sala keteıik, «Mektep avtobýsy» jobasy bıyl Almatyda ákim Erbolat Dosaevtyń tapsyrmasymen júzege asty. Oǵan qala búdjetinen 5 mıllıard teńgege 100 arnaıy avtobýs satyp aldy.
2024 jyly taǵy 100 avtobýs satyp alyp, shahardyń qosymsha 27 mektebin qamtý kózdelip otyr.