Qazir elde 18 jasqa tolmaǵan 6,5 mıllıon bala bar
Ádilet mınıstrligi vedomstvoaralyq komısıada Ulttyq qordan balalarǵa tólenetin tólemder máselesin talqylady. Mehanızm 2024 jyldan bastap iske qosylady, ázirleýshiler balalar ala alatyn somany atady, dep habarlaıdy Almaty-akshamy.kz Zakon.kz-ke silteme jasap.
Májilis depýtaty Berik Beısenǵalıev tólemderdi esepteý keıingi 18 jyldaǵy ortasha jyldyq mánge negizdeletinin aıtty.
"Nelikten keıingi 18 jylda óıtkeni naryqtaǵy daǵdarys jaǵdaıyna baılanysty, keıde Ulttyq qordyń kirisi teris mánge ıe bolýy múmkin. Bul teris mándi óteý úshin osyndaı uzaq merzim alynady. Búginde 2005-2023 jyldar aralyǵynda ortasha mán shamamen 2,6% bolady, biraq bul shetel valútasyndaǵy esep. Qazir elde 18 jasqa tolmaǵan 6,5 mıllıon bala bar, ıaǵnı 6,5 mıllıon adam QR Ulttyq qorynyń ınvestısıalyq kirisiniń bir bóligin alatynyna sene alady", - dedi Berik Beısenǵalıev.
Ortasha alǵanda, eger bala 2023 jyly dúnıege kelse, ázirleýshilerdiń esepteýleri boıynsha, ol shamamen 3,5 myń dollar alady.