QR Eńbek jáne halyqty áleýmettik qorǵaý mınıstrliginiń bastamasymen erekshe qajettilikteri bar adamdarǵa ınvataksı qyzmetin kórsetý kezinde taksı agregatorlaryn paıdalaný jónindegi pılottyq jobany iske asyrý sheńberinde 2024 jyldyń qorytyndysy boıynsha Astana men Almatyda atalǵan qyzmet 207,2 myń ret kórsetildi, dep habarlaıdy aqshamnews.kz.
Eńbek jáne halyqty áleýmettik qorǵaý mınıstrligi 2023 jyldyń qorytyndysy boıynsha múgedektigi bar adamdarǵa ınvataksı qyzmeti 53,9 myń ret kórsetilgenin málimdeıdi.
Budan buryn habarlaǵandaı, ınvataksı qyzmetiniń sapasy men kórsetý jyldamdyǵyn arttyrý maqsatynda Eńbekmıni ákimdiktermen birlesip osy qyzmettiń tetigine ózgertý engizý týraly sheshim qabyldady. Mysaly, azamattarǵa qyzmet alýdan bir kún buryn telefon arqyly jazylý qajet, bul óz saparlaryn aldyn ala josparlaýǵa, ınvataksı berýdi kútýge májbúr etedi, ınvataksı qyzmetterin usyný úshin kólik quraldarynyń jetispeýshiligi jáne
t. b. máseleler bar.
Sharttardy jeńildetý úshin osy qyzmetti kórsetýge qatysýǵa tıisti suranys alǵan taksı agregatorlaryn tartý boıynsha pılottyq jobaǵa bastama jasaldy.
Mundaǵy basty shart saparlardyń aqysynan paıyzdyń bolmaýy, olar ádette agregator platformalarynyń paıdasyna aýdarylatyn. Iandeks kompanıasy pılottyq jobaǵa óteýsiz negizde qatysýǵa nıet bildirdi.
Pılottyq joba sheńberinde azamattar Iandeks Go mobıldi qosymshasy arqyly Invataksı qyzmetin qoldana alady. Bul qyzmetti alýshy úshin kólikti tezirek tańdaýǵa, onlaın rejıminde tapsyrys mártebesin qadaǵalaýǵa jáne jasalǵan saparlarǵa monıtorıń júzege asyrýǵa múmkindik beredi. Atalǵan qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosyldy. Óz kezeginde, júrgizýshiler adamdy kólikke otyrǵyzý jáne odan túsýde qalaı kómek kórsetýge bolatyn sekildi arnaıy nusqaýlar alady.
Pılottyq jobanyń birinshi kezeńinde Astana jáne Almaty qalalarynan múgedektigi bar adamdardyń fokýs-toby qatysty.
Bıyl jobany pılottyq rejımde iske asyrý jalǵasady, elimizdiń basqa óńirlerine masshtabtaý josparlanýda.