«Otbasy banki» halyqqa qoljetimdi baspana alýǵa múmkindik beretin birneshe baǵdarlamany júzege asyryp kele jatqanyn jaqsy bilesizder. Bıyl bank usynatyn turǵyn úı alýǵa arnalǵan baǵdarlamalarda biraz ózgerister engizildi.
Jaqynda «Naýryz» baǵdarlamasynyń ashylýyn kútip otyrmyz. Bul baǵdarlama salymshylaryna ótken jylǵy ótinim qabyldaý kezinde depozıtte bar soma bir mıllıon teńgeni quraǵan bolatyn. Qazir ol eki mıllıon teńgege deıin ulǵaıtyldy. Bul – birinshi ózgeris.
Ekinshi ózgeris, ol – alǵashqy jarnasy. Eger de bizdiń klıentimiz Baspana market portalynda berilgen páterlerdiń ishinen taza árlengen úılerdi alýǵa nıet bildirse, onda olardyń alǵashqy jarnasy 10%-dy quraıtyn bolady.
Bul ózgeris klıentterdiń aı saıyn tóleıtin somasynyń az shyǵýyna kómektesedi. Máselen, úı alǵannan keıin azamattar jóndeý jumystaryn júrgizýge basqa jerden kredıt alýy múmkin. Sondyqtan qurylys kompanıalary taza, árlengen páterlerdi usynady. Sonda bizdiń klıentterimizge aı saıyn tóleıtin somasy tek qana bir kredıtpen shekteletin bolady.
Budan bólek, bıyl «Umaı» jáne «Jasyl ıpoteka» baǵdarlamalary iske qosylady. Azıalyq damý bankimen birlesken joba 90 mlrd teńge qarajat tartylyp otyr. «Umaı» baǵdarlamasynyń aıasynda jóndeý jumystary boıynsha 15 mln teńgege deıin nesıe alý múmkindigi bar.
Naryqtyq baǵdarlamalarymyz da bar. Iaǵnı 50/50, «Óz úıim» baǵdarlamalary arqyly barlyq qatysýshy ózine unaǵan páterlerin birinshi nemese ekinshi naryqtan satyp ala alady.
Almaty turǵyndarynan jyldan-jylǵa ótinim berýshilerdiń qatary kóbeıip, banktiń salymshylarynyń sany artýda. Nesıe alatyn otbasylar da kóbeıdi. 2024 jyly Almaty qalasy boıynsha 13679 otbasy úıli bolyp, qonys toıyn toılady.