Eski shamdardy jańasyna aýystyrý jáne isten shyqqan shamdardy jóndeý josparlanǵan.
Jaryqtandyrý salasyndaǵy jumys kólemi 2,5 esege ulǵaıdy, 2023 jyly 12700 jaryq núktesi qalpyna keltirildi, dep habarlaıdy Almaty-akshamy.kz
Bul týraly «Almaty Qala Jaryq» MKK habarlady. 2024 jyldyń basynan bastap Rysqulov-Kúderın, Halıýllın-SHAAJ, Saıyn-Rysqulov kóshelerindegi jolaıyryq men týneldegi jaryqtandyrý qalpyna keltirildi. Atalǵan ýchaskelerde barlyǵy 45 sham aýystyryldy. Byltyr megapolıste barlyǵy 6,5 myń jaryq núktesi aýystyryldy.
Qalada syrtqy jaryqtandyrýdy qalpyna keltirý jalǵasyp jatyr. Kún saıyn Almaty qalasynyń 8 aýdanyna 25-ten 31-ge deıin tehnıka jáne aýysym boıynsha 90-nan astam maman qyzmet kórsetedi. Bul jumysqa qosymsha 10 gıdravlıkalyq kótergish tartyldy. Qazir mundaı 30-dan astam avtomunara bar.
2024 jyldyń basynan bastap «Almaty Qala Jaryq» MKK dıspecherlik pýnkti Almaty qalasynyń turǵyndarynan barlyǵy 2600-den astam ótinimdi pysyqtady.