«Úıińde dýa bar» dep gıpnoz arqyly jurtty aldaǵan eki áıel ustaldy.
Qazyǵurtta turǵynnyń altyny men aqshasyn kóz aldynda aldap alyp ketken ózbekstandyq eki áıel ustaldy, dep habarlaıdy Almaty-akshamy.kz.
Qazyǵurt aýdandyq polısıa bóliminiń 102 púltine 2022 jyldyń 12 mamyrynda jergilikti turǵyn shaǵymdanyp, eki áıelden aldanǵanyn, olar gıpnoz arqyly kóz aldynda altyndaryn jymqyryp ketkenin aıtqan.
Egde jastaǵy áıeldiń aıtýynsha, onyń úıine ózge ultty eki áıel kelgen. Olar jábirlenýshige úıińde dýa bar, sony tazalap beremiz degen jeleýmen ózderiniń tazalaý áreketterin jasap, osy aralyqta turǵynnyń altyn alqasyn, saýsaǵyndaǵy altyn saqınasy men 100 myń teńgeden asa aqshasyn áketip qalǵan.