Aldaǵy jyly bokstan áıelder arasynda álem chempıonaty Astanada ótedi, dep habarlaıdy Almaty-akshamy.kz QazAqparatqa silteme jasap.
Halyqaralyq boks federasıasynyń (IBA) dırektorlar keńesi Tashkent qalasynda ótken resmı jınalysynda osyndaı sheshim qabyldady.
Qazaqstan boks federasıasynyń halyqaralyq qatynastar jónindegi vıse-prezıdenti Ázız Qojambetov ótinim bergen.
Jarys Astanadaǵy «Barys Arenada» ótedi.
«Qazaqstan sıaqty myqty boks eliniń IBA-nyń iri týrnırleriniń birin ótkizetinine qýanyshtymyn. Buǵan deıin osyndaı doda Astanada 2016 jyly ótken, endi, mine, qaıta oralǵaly otyr. Men tamasha chempıonatty asyǵa kútemin jáne aldaǵy jyly Astanada bas qosatyn boksshylardy quttyqtaımyn», - dedi IBA prezıdenti Ýmar Kremlev.
Eske sala keteıik, budan buryn Qazaqstan boks quramasynyń medaldar kestesinde ekinshi orynnan kóringenin jazǵan bolatynbyz.