2024 jyly zeınetkerlik jasqa deıingi adamdardy jumyspen qamtýǵa járdemdesý jónindegi «Kúmis jas» jobasyn iske asyrý sheńberinde 19 199 adam jumysqa ornalastyryldy.
Jumysqa ornalasqandardyń eń kóp sany Túrkistan (2 441 adam), Jambyl (1 845 adam) jáne Qaraǵandy (1 471 adam) oblystarynda baıqalady, dep habarlaıdy aqshamnews.kz.
Jobaǵa qatysatyn áıelderdiń úlesi 55,2% nemese 10,6 myń adamdy, aýyl turǵyndarynyń úlesi – 11,3 myń adamdy nemese 59,1% quraıdy.
Bul jobaǵa 50 jastan asqan jumyssyz adamdar zeınetkerlik jasqa tolǵanǵa deıin qatysa alady. Jobaǵa qatysý úshin mansap ortalyǵyna ótinish berý qajet.
«Kúmis jas» jobasyn qarjylandyrýdy eńbek mobıldiligi ortalyǵy jumys berýshiniń joba sheńberinde jumysqa ornalastyrylǵan jumyssyzdarǵa eńbekaqy tóleýge jumsaǵan shyǵyndarynyń bir bóligin óteýge sýbsıdıalar berý jolymen júzege asyrady.
Sýbsıdıalar mólsheri jumystyń alǵashqy jylynda jalaqy mólsheriniń 70% (biraq 30 AEK-ten aspaıtyn), jumystyń ekinshi jylynda jalaqy mólsheriniń 65% (biraq 30 AEK-ten aspaıtyn), jumystyń úshinshi jylynda jalaqy mólsheriniń 60% (biraq 30 AEK-ten aspaıtyn) quraıdy.
«Kúmis jas» jobasyna qatysý merzimi aıaqtalǵannan keıin jumys berýshi zeınetkerlik jasqa tolmaǵan adamdy keminde 1 jyl merzimge turaqty jumys ornyna, sondaı-aq zeınetaldy jasqa deıingi adamdy zeınetke shyqqanǵa deıin jumysqa ornalastyrýǵa mindetti.
Kóptegen qazaqstandyqtar joba týraly oń pikir bildirýde.
«Men «Kúmis jas» jobasy boıynsha «Zerde» dárihanasyna jumysqa ornalastym. Jumys aıtarlyqtaı aýyr emes, eńbekaqymyzdy ýaqtyly alyp jatyrmyz. Qazirgi kezde biz sıaqty 50 jastan asqan adamdarǵa jumys tabý ońaı emes. Osyndaı jobalardyń arqasynda kóptegen azamattar «eki qolǵa bir kúrek» tabýda», – dep, Túrkistan oblysynyń turǵyny Zeınekúl Búrkitbaı óz oıymen bólisti.