Qasym-Jomart Toqaev Astanaǵa resmı saparmen kelgen Tájíkstannyń Syrtqy íster mınıstrí Sırodjıddın Muhrıddındí qabyldady.
Kezdesude Prezıdent Qazaqstan men Tájíkstan arasyndaǵy qarym-qatynas barlyq baǵyt boıynsha oń qarqynmen damyp kele jatqanyn atap ótíp, strategıyalyq seríktestíktí odan árí nyǵaıtudyń mání zor ekenín aıtty, dep habarlaıdy aqshamnews.kz Aqordanyń resmı saıtyna sílteme jasap.
Memleket basshysy byltyr qol qoıylǵan Odaqtastyq qatynastar turaly shart Astana men Dushanbeníń san qyrly jáne tabysty yntymaqtastyǵynyń mańyzdy kezeńí bolǵanyn eske saldy.
– Bíz Tájíkstanmen dostyqqa qūrylǵan qatynastardy joǵary baǵalaımyz. Ekí eldíń arasynda sheshímín tappaǵan eshqandaı másele joq. Qazaqstan jūrtshylyǵy bauyrlas tájík halqyna erekshe yqylas tanytady. Elderímíz árdaıym bír-bíríne qoldau kórsetíp keledí. Būl ekíjaqty baılanysty belsendí damytuǵa ūmtylysymyzdan da baıqalady, – dedí Prezıdent.
Qasym-Jomart Toqaev Tájíkstan Prezıdentí Emomalı Rahmonnyń qazaq-tájík yntymaqtastyǵyn arttyruǵa qosqan teńdessíz úlesíne aıryqsha nazar audardy.
Sırodjıddın Muhrıddın táuelsízdík jyldarynda Qazaqstan men Tájíkstan ózara tıímdí yqpaldastyq ornatqanyn, ol bauyrlas halyqtardyń múddesí úshín dostyq pen odaqtastyq ruhynda ūdaıy damyp kele jatqanyn jetkízdí.
– Tájíkstan Qazaqstanmen aradaǵy bauyrlastyq árí tyǵyz baılanysty erekshe qūrmet tūtady. Sízdíń el bízdíń mańyzdy seríktesímíz. Ekíjaqty yntymaqtastyqtyń barlyq baǵyty boıynsha ózara túsínístík bar. Ekí el qatynastary úshín byltyr aıtuly jyl boldy, yqpaldastyǵymyz odaqtastyq deńgeıíne kóteríldí, – dedí mınıstr.
Tájík dıplomaty Qasym-Jomart Toqaevqa Prezıdent Emomalı Rahmonnyń sálemín jetkízíp, tájík tarapynyń Qazaqstanmen jan-jaqty yntymaqtastyqty odan árí tereńdetuge beıíl ekenín rastady.
Áńgímelesu barysynda būǵan deıín joǵary deńgeıde qol jetkízílgen uaǵdalastyqtardy júzege asyru máselelerí qarastyryldy. Ásírese, ekonomıka, sauda, tranzıt, tsıfrlandyru, bílím jáne mádenıet salalaryndaǵy yqpaldastyqty nyǵaıtu perspektıvasyna aıryqsha mán beríldí.
Qasym-Jomart Toqaev pen Sırodjıddın Muhrıddın óńírlík qauípsízdík, su-energetıka salasyndaǵy seríktestík, sonymen qatar Ortalyq Azıyanyń ornyqty damuyn qamtamasyz etudí kózdeıtín bírlesken sharalardyń jaı-kúıín talqylady.