«2024 jylǵy Joǵary oqý ornynyń úzdik oqytýshysy» konkýrsynyń jeńimpazdary belgili boldy.
Respýblıkalyq konkýrstyq komısıa óz mamandyǵy boıynsha eń úzdik oqytýshylardy tańdady, dep habarlaıdy aqshamnews.kz.
Qazaqstandyq 38 joǵary oqý ornynyń 150 oqytýshysy jeńimpaz atandy. Olardyń árqaısysy 2000 AEK kóleminde syıaqy alady, bul shamamen 7 mln teńgeni quraıdy. Aqshalaı yntalandyrýdan bólek «2024 jylǵy Joǵary oqý ornynyń úzdik oqytýshysy» konkýrsynyń jeńimpazdary tósbelgige ıe bolady.
Konkýrs jyl saıyn oqytýshy kásibiniń bedelin arttyrý jáne olardy odan ári kásibı damytýǵa yntalandyrý maqsatynda ótkiziledi.
Konkýrsqa elimizdiń 90 joǵary oqý ornynan barlyǵy 946 úmitker qatysty. Konkýrsta elektrondy oqý resýrstaryn, oqý materıaldaryn ázirleý jáne jarıalaý, otandyq jáne halyqaralyq jýrnaldardaǵy ǵylymı jarıalanymdar, ónertabysqa patentterdiń bolýy jáne t.b. sıaqty kórsetkishter, sondaı-aq úmitkerdiń oqytý sapasy, onyń bakalavrıatta, magıstratýrada jáne doktorantýrada kadrlar daıarlaý jónindegi eńbegi baǵalandy.
Aıta keteıik, konkýrs QR ǴJBM aqparattyq júıesiniń bazasynda ótti. Onyń kómegimen qatysýshylar barlyq kezeńderdiń ashyqtyǵyn baqylaı aldy. «2024 jylǵy Joǵary oqý ornynyń úzdik oqytýshysy» konkýrsyna qatysý úshin ótinimder men qujattar da elektrondyq formatta qabyldandy. Bul konkýrsty ótkizýdiń ashyqtyǵyn qamtamasyz etti. Sondaı-aq komısıa quramyna ǴÓB, JOO qaýymdastyqtarynyń ókilderi jáne joǵary bilim berý salasyndaǵy sarapshylar engizildi.
Konkýrs jeńimpazdarynyń tizimimen QR ǴJBM Telegram-arnasy arqyly tanysýǵa bolady.