Jastardyń damýy men ózin-ózi jetildirýi úshin teń múmkindikter jasalmaq.
Bul týraly qala ákimi Erbolat Dosaev Máslıhat sesıasynda Almatynyń qalasynyń 2023-2025 jyldarǵa arnalǵan búdjet jobasyn qaraý barysynda aıtty, dep habarlaıdy Almaty-akshamy.kz.
Jastardy qoldaý salasynda Damý baǵdarlamasynyń basym mindeti jastardy jumysqa ornalastyrý men áleýmettendirýge baǵyttalǵan jobalar men bastamalardy iske asyrý arqyly NEET úlesin 2022 jylǵy 6,1%-ten 2025 jyly 4,5%-ke deıin azaıtý bolyp tabylady.
Kelesi jyly jumysqa ornalastyrý (jylyna keminde 10 myń jas azamat) jáne eńbek naryǵynda suranysqa ıe kásipter boıynsha qysqa merzimdi oqytý (jylyna keminde 10 myń) jobalaryn iske asyrý josparlanýda. Osy sharalarǵa 2023 jylǵy búdjetke 800 mln. teńge salyndy.
Sondaı-aq 2023 jyly 8 zamanaýı komúnıtı-ortalyq (2025 jylǵa deıin qosymsha 8) qurý josparlanýda. Bul qoǵamdyq keńistikter jastarǵa arnalǵan qyzmetterdi (jumysqa ornalasý, kásipkerlik, psıhologıalyq jáne zań kómegi jáne t.b. boıynsha konsýltasıalar) bir jerde biriktirip, jastardy áleýmettendirý jáne qoǵam ómirine tartý ornyna aınalýy tıis. Atalǵan sharalardy iske asyrýǵa 2023 jyldyń búdjetine 1,4 mlrd. teńge salyndy.