AQSH-tyń Leık-Plesı qalasynda ótedi
Shaıbaly hokeıden 2023 jylǵy Qysqy ýnıversıadada baq synaıtyn barlyq qurama anyqtaldy, dep habarlaıdy Almaty-akshamy.kz QazAqparat-qa silteme jasap.
Qysqy ýnıversıada 2023 jyly 12-22 qańtar aralyǵynda AQSH-tyń Leık-Plesı qalasynda ótedi. Onda erler arasyndaǵy shaıbaly hokeı týrnırine 12 eldiń quramasy qatysady. Olardyń arasynda Qazaqstan quramasy da bar.
Sondaı-aq, shaıbaly hokeı týrnırinde Kanada, Chehıa, Ulybrıtanıa, Vengrıa, Japonıa, Koreıa, Latvıa, Slovakıa, Shvesıa, Ýkraına jáne AQSH quramalary bar. Quramalar eki topqa bólinedi. Árbir topta alǵashqy 2 oryn alǵandary pleı-off satysyna shyǵady.
Aıta ketsek, ázirge áıelder arasyndaǵy hokeı týrnırine qatysatyn alty qurama belgili. Mundaı múmkindikke Kanada, Chehıa, Ulybrıtanıa, Japonıa, Slovakıa jáne AQSH qol jetkizgen.
Oıyn kestesi keıinirek belgili bolady.
Eske salsaq, shaıbaly hokeıden Qazaqstan Prezıdenti kýbogynda «Barys» jeńimpaz atandy.