2022 jyl álemniń eń dáýletti 500 adamy úshin qolaısyz jyl boldy. Olar 1,4 trıllıon dollar qarajatynan aıyryldy, dep habarlaıdy Almaty-akshamy.kz Inbusiness.kz-ke silteme jasap.
Keń taralǵan ınflásıa jáne ortalyq bank saıasatynyń agressıvti qatańdatylýy saldarynan bıylǵy jyl pandemıa kezinde jeńil aqshaǵa kenelgen birqatar mıllıarder toby úshin qolaısyz boldy. Bıyl Ilon Mask, Djeff Bezos, Chanpen Chjao jáne Mark Sýkerberg ózderiniń jıyntyq baılyǵynan shamamen 392 mıllıard dollar joǵaltty, delingen Bloomberg júrgizgen zertteýde. Degenmen, osy jyl dáýletti ózge tulǵalar úshin jaman bolǵan joq: úndistandyq Gaýtam Adanı ál-aýqat ındeksi boıynsha Bıll Geıts pen Ýorren Baffetten asyp tústi. Kohı men Mars klany sıaqty álemdegi eń baı otbasylar da óz baılyǵyn arttyrdy.
Bloomberg basylymy kapıtalynan aıyrylǵan dáýlettilerdiń oqıǵalaryn keltirdi. Sol kezde álemdegi eń baı adam bolǵan Ilon Mask Tesla-ny jetkizýmen qıyndyq týyp jatqanyn eskertkennen keıin 27 qańtarda 25,8 mıllıard dollarynan aıyrylǵan.
Shildede qytaılyq Ian Hýeııanniń dáýleti Qytaıdaǵy múlik daǵdarysy aıasynda jeti aıda eki ese azaıyp, Azıanyń eń baı áıeli tıtýlynan aıyryldy. Ian 2005 jyly ákesinen muragerlikke alǵan Country Garden Holdings qurylys kompanıasy sońǵy jyldary turǵyn úı qurylysynyń aıtarlyqtaı artýynan qomaqty tabys tapqan. Biraq Beıjińniń turǵyn úı baǵasyn ósirmeý saıasaty men QHR tóraǵasy Sı Szınpınniń qatań sharasy jobalardy kesheýildetip, ıpotekaǵa alǵan úı ıeleri toqtap turǵan qurylys úshin aqsha tóleýden bas tartqan. Saldarynan Ian Hýeııan dáýleti 2022 jyly eki ese azaıdy.
Qyrkúıektiń ortasynda Mark Sýkerbergtiń jeke kapıtaly 71 mıllıard dollarǵa quldyrap, Meta Platforms aksıalarynyń baǵasynyń tómendeýine ákelip soqtyrǵan metaǵalam men salanyń quldyraýyna baılanysty kapıtalynyń 57% joǵaltty. Bir jyl ishinde Sýkerberg Bloomberg dáýlet ındeksinde 19 pozısıa joǵaltyp, 2022 jyldy 25-shi orynda aıaqtady.
"Kovıd-mıllıarderlerdiń" dáýleti de azaıa tústi. Olar 2020-2021 jyldary vaksınadan (Stefan Bansel, Modern vaksınasy), paıdalanylǵan avtokólikterden (Carvana ıeleri Ernı Garsıa II men Ernı Garsıa III), ınternet-dúkenderden (Coupang ıesi Bom Kım) jáne Zoom-nan (Erık Iýán) paıda tapqan. 58 mıllıarderdiń dáýleti "pandemıa salalaryna" baılanysty birden kóterilgen, endi olardyń aktıviniń baǵasy qazanda 58 % tómendedi.
Bankman-Frıdtiń FTH krıptovalúta bırjasy qarasha aıynda onyń ımperıasynyń balansynyń turaqsyzdyǵy jáne táýekelderge baqylaýdyń joqtyǵy anyqtalǵannan keıin quldyrady. 30 jastaǵy kásipkerdiń 16 mıllıard dollarlyq baılyǵy bir aptadan joıyldy. Onyń dáýleti buǵan deıin 26 mıllıard dollar dep baǵalandy.
73 jastaǵy Bernard Arno, Fransıa sán salasynyń magnaty, LVMH korporasıasynyń ıesi Ilon Maskty álemdegi eń baı adamdar tiziminen yǵystyrdy.