Bul jaıynda Áleýmettik medısınalyq saqtandyrý qorynyń basqarma tóraǵasy Aıdyn Ashýev aıtty.
Spıkerdiń sózinshe, 2,5 jyl ishinde medısınadaǵy barlyq problemalardy sheshý múmkin emes. Deıturǵanmen, MÁMS júıesiniń arqasynda adamdar buryn tek aqyly bolǵan qyzmetterdi tutyna alady, dep habarlaıdy Almaty-akshamy.kz QazAqparatqa silteme jasap.
«Bıyl joǵary tehnologıalyq kómek kólemi 1,5 ese ósti. Osy jyldyń 7 aıynda 12 myńnan astam qymbat operasıalar jasaldy. Ótken jylmen salystyrǵanda ósim 34%. «Ańsaǵan sábı» baǵdarlamasy boıynsha 7 myń eko-rásimniń 4 myńǵa jýyq reprodýktıvti qyzmeti qarjylandyryldy. Ótken jyldyń osy kezeńimen salystyrǵanda ósim 40% boldy.
Osylaısha, MÁMS júıesi salany qarjylandyrý bóliginde qolaıly jaǵdaılar jasaıdy. Biraq qazir medısınalyq kómekti uıymdastyrý, klınıkalardyń ishindegi menedjment deńgeıi, pasıentterdi durys baǵyttaý máseleleri ózekti», - dedi Aıdyn Ashýev.