Bıznestegi alǵashqy qadamdar: Almatyda Zhasproject baıqaýynyń jeńimpazdary marapattaldy, dep habarlaıdy almaty-akshamy.kz
Almaty qalasy Alataý aýdanynyń komúnıtı ortalyǵynda Zhasproject jobasy aıasynda shaǵyn granttar konkýrsynyń jeńimpazdaryna nomınaly 1 000 000 teńge bolatyn sertıfıkattar saltanatty túrde tabys etildi.
Joba NEET sanatyndaǵy jastardyń bastamalaryn qoldaýǵa jáne jastar arasynda kásipkerlikti damytý úshin qolaıly jaǵdaılar jasaýǵa baǵyttalǵan.
2024 jylǵy baıqaýdyń qorytyndysy boıynsha Almatyda 20 jeńimpaz anyqtaldy, olar maýsym aıynda áleýmettik jobalardy iske asyrýǵa kirisedi. Grant qarajatyna olar qarjylandyrý aıaqtalǵannan keıin jas kásipkerlerde óz jobalaryn keıinnen iske asyrý jáne damytý úshin ajetti jabdyqty satyp ala alady.
Joba Qazaqstan Respýblıkasy Mádenıet jáne aqparat mınıstrliginiń tapsyrysy boıynsha azamattyq bastamalardy qoldaý ortalyǵymen jáne «Túpqaraǵan jastary» jastar qoǵamdyq birlestigimen birge iske asyrylýda.
Zhasproject jobasynyń qarjylyq qoldaýynyń arqasynda 18 ben 34 jas aralyǵyndaǵy jumyssyz jastar óz bıznesin ashyp, kásipkerlikte alǵashqy qadamdar jasap, qoǵamnyń damýyna óz úlesterin qosa alady.