Qazaqstan aýmaǵynyń basym bóliginde antısıklon áserinen jaýyn-shashynsyz aýa raıy bolady, tek respýblıkanyń ońtústik-shyǵys jáne soltústik-shyǵys taýly aýdandarynda atmosferalyq frontaldy bólikterdiń ótýimen naızaǵaı oınap, jańbyr jaýady dep habarlaıdy almaty-akshamy.kz «Qazgıdromet» RMK. silteme jasap.
«Qazaqstan aýmaǵynyń basym bóliginde antısıklon áserinen jaýyn-shashynsyz aýa raıy bolady, tek respýblıkanyń ońtústik-shyǵys jáne soltústik-shyǵys taýly aýdandarynda atmosferalyq frontaldy bólikterdiń ótýimen naızaǵaı oınap, jańbyr jaýady. Respýblıka boıynsha keı jerlerde jeldiń kúsheıýi, ońtústikte shańdy daýyl, ortalyǵynda, shyǵysynda jáne ońtústiginde burshaq jaýady, soltústikte jáne ortalyqta túngi jáne tańǵy saǵattarda tuman túsedi», – delingen habarlamada.
Shyǵys Qazaqstan oblysynyń soltústik-shyǵysynda naızaǵaı oınaıdy, burshaq jaýady, kúndiz jel 15-20 m/s kúsheıedi.
Qaraǵandy oblysynyń soltústiginde, shyǵysynda naızaǵaı, burshaq jaýady, túnde jáne tańerteń tuman túsedi.
Kúndiz Jambyl oblysynyń taýly aýdandarynda naızaǵaı, burshaq jaýady, soltústik-shyǵysynda shańdy daýyl soǵady, soltústik-shyǵysta jáne ońtústik-batysynda jel 15-20 m/s kúsheıedi.
Túnde soltústikte, kúndiz Pavlodar oblysynyń shyǵysynda naızaǵaı oınaıdy, jel 18 m/s kúsheıedi.
Kúndiz Qyzylorda oblysynyń ońtústiginde, ońtústik-shyǵysynda jel 15-20 m/s kúsheıedi, shańdy daýyl soǵady.
Túrkistan oblysynyń taýly aımaqtarynda, kúndiz Batys Qazaqstan oblysynyń ońtústik-batysynda jel 15-20 m/s soǵady.
Túnde jáne tańerteń Soltústik Qazaqstan oblysynyń soltústigi men shyǵysynda tuman túsedi.
Kúndiz Atyraý, Batys Qazaqstan oblystarynda óte qatty ystyq saqtalady, Aqtóbede, Mańǵystaý oblystarynyń ońtústiginde, Qostanaı oblysynda qatty ystyq saqtalady.
Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan, Almaty oblystarynyń basym bóliginde, Qaraǵandy oblysynyń batysynda, Qostanaı oblysynyń ońtústiginde, Shyǵys Qazaqstan, Aqmola oblystarynda tótenshe órt qaýpi saqtalady