Almaty polıseıleri páter urylaryn ustaý boıynsha arnaıy is-shara júrgizdi, – dep habarlaıdy almaty-akshamy.kz Polisia.kz. silteme jasap.
“Qylmystyq kvartetti” jedel qyzmetkerler kezekti urlyq jasaǵannan keıin birden ustady. Oljamen ketip bara jatqan urylardy arnaıy bólimniń qyzmetkerleri zalalsyzdandyrdy.
– Bul toptyń quramyna Almaty men Túrkistan oblystarynyń 32 jastan 36 jas aralyǵyndaǵy tórt er adam kiredi. Ustaýǵa birneshe mınýt qalǵanda qaskóıler kiltti tańdaý arqyly Aqbulaq yqsham aýdanynda ornalasqan úılerdiń birine kirip, sol jerden bótenniń jalpy quny 500 myń teńgeden asatyn múlkin urlap ketken. Urlanǵan zattardy, taýardy jáne aqshany tergeý-jedel toby tárkiledi jáne QR QK-niń 188-baby 3-bóligi boıynsha sotqa deıingi tergeýdiń biryńǵaı reestrine tirkelgen qylmystyq is materıaldaryna tirkedi. Kúdiktiler ýaqytsha ustaý ızolátoryna qamaldy, – dedi Almaty qalalyq PD Krımınaldyq Polısıa basqarmasynyń bastyǵy Qýatbek Naýatov.
Baıandamashy tergeýdiń osy kezeńinde ustalǵandardyń qalanyń Almaly jáne Bostandyq aýdandarynyń aýmaǵynda osyǵan uqsas taǵy úsh urlyqqa qatystylyǵy dáleldengenin atap ótti. Krımınaldyq polısıanyń málimetinshe, áshkerelengen “urylar” negizinen shahardyń ortalyq bóliginde júrgen.