2024 jylǵy 19 qazanda azamattyq qorǵaý organdaryna 29 jyl tolady. Tarıhqa kóz júgirtsek, 1995 jyly Qazaqstan Respýblıkasynyń Tótenshe jaǵdaılar jónindegi memlekettik komıteti – eldiń tabıǵı jáne tehnogendik sıpattaǵy tótenshe jaǵdaılar jáne azamattyq qorǵanys salasyndaǵy ýákilettik berilgen ortalyq atqarýshy organ retinde quryldy.
Qazaqstan Respýblıkasy Tótenshe jaǵdaılar jónindegi memlekettik komıtetiniń qurylǵan kúni azamattyq qorǵaý júıesiniń kásibı merekesi – Qutqarýshy kúni bolyp tabylady, dep habarlaıdy aqshamnews.kz TJM-ǵa silteme jasap.
1995 jyldan bastap azamattyq qorǵaý júıesi aıtarlyqtaı ózgeristerge ushyrady. Ortalyq atqarýshy organdardyń qurylymyn jetildirý sheńberinde MKJS komıtet, agenttik, mınıstrlik bolyp qaıta quryldy, İİM júıesinde boldy, odan ári 2020 jyly mınıstrlik qaıta quryldy.
Barlyq kezeńde tótenshe jaǵdaılardy joıý qyzmeti kásibı túrde damyp, qutqarý bólimshelerimen tolyqtyryldy.
TJ qyzmetterimen jumys istegen jyldary (1995-2023 jyldar) tótenshe jaǵdaılardy joıýǵa 1,6 mln. astam shyǵý jasaldy. Órt sóndirýshiler men qutqarýshylardyń qyzmeti, kásibıligi, jedeldigi arqasynda 421 myńnan astam adam qutqaryldy, TJ túrli aımaqtarynan 383 myńnan astam adam evakýasıalandy, 72 myńnan astam zardap shekken adamǵa medısınalyq kómek kórsetildi.
Jyl saıyn orta eseppen 18 myńnan astam tabıǵı jáne tehnogendik sıpattaǵy TJ, onyń ishinde 12 myń órt tirkeledi. TJ aımaǵynan qutqarýshylar 8 myń azamatty qutqarady, 20 myńnan astam adamdy evakýasıalaıdy, 4 myń zardap shekken adamǵa medısınalyq kómek kórsetiledi.
Elimizdiń órtke qarsy jáne qutqarý qyzmetteriniń mamandary óz ómirin qaterge tigip, azamattardy qutqarý jolynda qyzmettik mindetterin atqarý kezinde 73 qyzmetker qaıtys boldy.
Azamattyq qorǵaý organdarynda 27 myńnan astam qyzmetker qyzmet atqarady.
Elimizdiń azamattyq qorǵaý júıesin jetildirý boıynsha eleýli jumystar atqaryldy, bul zańnamany qabyldaý, tótenshe jaǵdaılardan qorǵaý úshin jańa obektiler salý, qutqarý jáne órt tehnıkasy men jabdyqtaryn satyp alý, azamattyq qorǵaý organdary qyzmetkerleriniń jalaqysyn arttyrý, qyzmet ótkerý jaǵdaılaryn jaqsartý, kásibı kadrlardy daıarlaý, órt-qutqarý sporty men halyqaralyq yntymaqtastyqty damytý.
Osylaısha 29 jyl ishinde 1,7 myńǵa jýyq órt-qutqarý avtotehnıkasy men 22 myń birlik órt-qutqarý jabdyǵy men jaraǵy satyp alyndy. 38 órt sóndirý deposy salyndy.
Elimizdegi bolashaq qutqarýshylardy daıyndaıtyn jalǵyz joǵary oqý orny - Málik Ǵabdýllın atyndaǵy Azamattyq qorǵaý akademıasy. Azamattyq qorǵaý akademıasynyń qabyrǵasynan azamattar men memleket aýmaǵynyń tabıǵı jáne tehnogendik sıpattaǵy tótenshe jaǵdaılardan qaýipsizdigin qamtamasyz ete otyryp, kúndiz de, túnde de qyzmet atqaratyn 6 myńnan astam maman shyǵaryldy.
Ujymdyq qaýipsizdik týraly shart uıymynyń halyqaralyq kelisimderi sheńberinde akademıa kýrsanttary Reseı jáne Belarýs TJM joǵary oqý oryndarynda jeńildikpen oqıdy. 2022 jyldan bastap akademıada «Órt qaýipsizdigi» beıindik baǵyty boıynsha joǵary oqý ornynan keıingi bilim engizildi. Sońǵy eki jylda akademıaǵa kúndizgi oqý bólimine 8 qyz qabyldandy.
Tabıǵı jáne tehnogendik sıpattaǵy TJ aldyn alýǵa múmkindik beretin birqatar iri jobalar iske asyryldy: Almaty oblysyndaǵy Talǵar, Qarǵaly ózenderinde, Almaty qalasyndaǵy Aıýsaı ózeninde sý tasqynyna qarsy Kóksaraı (Syrdarıa ózeninde) jáne Astana qarsy rettegishteri, seldi ustap qalatyn bógetter salyndy.
Asa tıimsiz trassalyq medısınalyq-qutqarý pýnktterin joldardyń neǵurlym avarıalyq-qaýipti ýchaskelerine kóshirý máselesi pysyqtalýda, bıylǵy jyly jedeldigin arttyrý maqsatynda «Anar» trassalyq medısınalyq-qutqarý pýnktin Aqmola oblysy Arshaly kentindegi órt sóndirý bóliminiń ǵımaratyna kóshirý júzege asyryldy.
Tótenshe jaǵdaılardyń aldyn alý jáne olardy joıý salasyndaǵy halyqaralyq yntymaqtastyq sheńberinde 38 halyqaralyq kelisim jasaldy. Qazaqstan TJM BUU bólimshelerimen tyǵyz ózara is-qımyl jasaıdy, TMD, SHYU, UQSHU sıaqty halyqaralyq uıymdar sheńberinde tabysty jumys júrgizedi.
Qutqarýshylar Túrkıa men Aýǵanstandaǵy joıqyn jer silkinisteriniń saldaryn joıýǵa qatysa otyryp, halyqaralyq deńgeıde óz kásibıligin dáleldedi. Qıyn ekstremaldy jaǵdaılarda jáne jerasty dúmpýleriniń jalǵasýyna qaramastan, qutqarýshylar úıindilerdi bólshektep, adamdardy evakýasıalaý jáne qutqarý, zardap shekken adamdarǵa medısınalyq kómek kórsetý jumystaryn júrgizdi.
Tek sońǵy úsh jylda ǵana Túrkıa Respýblıkasyna, Sırıa Arab Respýblıkasyna, Ýkraınaǵa, Tájikstan Respýblıkasyna, Aýǵanstan Respýblıkasyna, Qyrǵyz Respýblıkasyna, Palestınaǵa kómek kórsetildi.
Eń aldymen TJ saldaryn joıý júıesinen tótenshe jaǵdaılarǵa den qoıýǵa daıyndyǵyn arttyrý arqyly olardyń aldyn alýǵa jáne qaýip-qaterlerdi azaıtýǵa kóshý, sondaı-aq TJM damytýda jańa tásilderdi engizý kózdeledi.
Búgingi tańda TJM jedel den qoıý júıesi bar, tótenshe jaǵdaılardyń aldyn alý jáne olardy joıý jónindegi mindetterdi sheshetin jáne osyndaı qýatty qurylymnyń oń ımıji ózdiginen týyndamaıtyn tıimdi vedomstvolardyń biri bolyp tabylady. Ony shynaıy adamdar, bizdiń qyzmetkerler jasaıdy, olar óz ómirin qaýipke tigip, kúnde batyrlyq tanytyp, azamattardyń qaýipsizdigin qamtamasyz etedi.
Vedomstvonyń maqsaty qyzmetkerlerdiń áleýmettik qamsyzdandyrylýyn jaqsartý, materıaldyq-tehnıkalyq jaraqtandyrýdy nyǵaıtý, jańa órt sóndirý depolaryn, qutqarý stansıalaryn salý, áýe avıasıasy parkin jańartý. Azamattyq qorǵaýdyń memlekettik júıesin TJ-ny joıýdan sıfrlandyrýdy engize otyryp, olardyń aldyn alýǵa qaıta baǵdarlaý kózdeledi. Osy maqsatta TJM-de jańa TJ-nyń aldyn alý komıteti quryldy.
Kaspıı teńiziniń qazaqstandyq sektorynyń akvatorıasynda Ulttyq teńiz avarıalyq-qutqarý qyzmetin qurý jáne azamattyq qorǵaý akademıasynyń qurylysy boıynsha máseleni josparly pysyqtaý bastaldy. 20 órt sóndirý deposynyń qurylysy júrgizilýde, elordada biregeı tez salynatyn órt sóndirý deposy men jataqhananyń pılottyq jobasy iske qosyldy. Jergilikti atqarýshy organdardyń qoldaýymen qutqarýshylardyń otbasylaryna 50 páter berildi. Osy jazda elordalyq daǵdarysty basqarý ortalyǵy táýlik boıy tabıǵı jáne tehnogendik tótenshe jaǵdaılarǵa monıtorıń pen boljaý júrgiziletin Komandalyq ortalyq bolyp qaıta quryldy.
2024 jyldyń basynan bastap qutqarý bólimsheleri órtke jáne avarıalyq-qutqarý jumystaryna 70 myńnan astam ret shyqty, 12 myńnan astam adam qutqaryldy, TJ aımaǵynan 65 myńnan astam adam evakýasıalandy, 4,6 myń zardap shekken adamǵa shuǵyl medısınalyq kómek jáne 1 myńnan astam adamǵa shuǵyl psıhologıalyq kómek kórsetildi.
Elimizde qaýipsizdik mádenıetin qalyptastyrý maqsatynda apta saıyn profılaktıkalyq aksıalar men oqý-jattyǵýlar ótkiziledi, bul rette bizdiń qutqarýshylarymyz óz daǵdylary men bilimderin sheteldik áriptesterimen bólisedi.
Almaty oblysynyń Tamǵaly Tas shatqalynda ornalasqan «Jartasty qala – Astana» bazalyq polıgonynda Almaty oblysynda UQSHU-ǵa múshe memleketterdiń – Belarýs Respýblıkasynyń, Qazaqstan Qyrǵyzstan, Tájikstan men Reseı Federasıasy tótenshe jaǵdaılardyń aldyn alý jáne olardyń saldaryn joıý salasyndaǵy ýákiletti organdarynyń qutqarý bólimsheleriniń qatysýymen «Skala-2024» birlesken arnaıy-taktıkalyq oqý-jattyǵý ótti.
Sonymen qatar osy polıgonda Ortalyq Azıa elderiniń ókilderi úshin TJ-da ushqyshsyz avıasıany qoldaný boıynsha master-trenıng sıaqty is-shara ótti. Trenıńke Qazaqstan Respýblıkasy TJM, Qyrǵyz Respýblıkasy TJM, Tájikstan Respýblıkasy TJK jáne Ózbekstan Respýblıkasy TJM ushqyshsyz ushý apparattarynyń 24 operatory qatysýda. Sońǵy 5 jylda TJM ushqyshsyz apparattar parki 6 eseden astam ulǵaıǵanyn jáne osyǵan baılanysty drondardy basqarý boıynsha mamandardy daıarlaý qajettiligi artyp kele jatqanyn atap ótti. Sonymen qatar polıgon bazasynda TJ volonterlerdiń respýblıkalyq forýmy ótti.
Bıylǵy jyly elimizde Almaty qalasynda Belarýs, Bolgarıa, Qazaqstan, Reseı, Slovakıa, Chehıanyń eń myqty sportshylarynyń qatysýymen ótken uldar men jasóspirim uldar, qyzdar men jasóspirim qyzdar arasyndaǵy órt-qutqarý sporty boıynsha álem chempıonaty jarıalandy. Baqylaýshylar retinde Saýd Arabıasynyń ókilderi qatysty. Qazaqstandyq qyzdar men uldar komandalary «Jaýyngerlik qanat jaıý» chempıondary atandy. Aıta ketý kerek, qazaqstandyq komandanyń órt-qutqarý sporty boıynsha qurama komandasynyń uldar men jasóspirim uldar, qyzdar men jasóspirim qyzdar «Jaýyngerlik qanat jaıý» boıynsha eki dúrkin álem chempıony atandy.
Bıylǵy kúzde bolǵan jarqyn sporttyq is-sharalardyń biri Qazaqstan Respýblıkasy Tótenshe jaǵdaılar mınıstriniń kýbogyna qoıan-qoltyq urystan birinshi týrnır boldy. Kókshetaý qalasynda ótken sporttyq birinshilikke 25 komandadan 400-den astam azamattyq qorǵaý organdarynyń qyzmetkeri qatysty. Týrnırdiń uıymdastyrýshysy bıyl mınıstrlik bazasynda qurylǵan «Batyr team» sport klýby. Sonymen qatar jarysqa tek erler ǵana emes, áıelder de qatysty. Júldeli oryndar 8 salmaq dárejesinde jeńimpazdar arasynda bólindi. Qazaqstan TJM qoıan-qoltyq urystan qurylǵan qurama búgin halyqaralyq chempıonattarda vedomstvonyń múddesin bildiredi, elimizdiń qorjynyn altyn medaldarmen tolyqtyrady.
Azamattyq qorǵaý organdarynyń qyzmetkerleri ózderiniń qyzmettik mindetterin kúndelikti oryndaı otyryp, basqalardy qutqarý úshin óz ómirin qaýipke tigip, ózderiniń kásibıligi men janqıarlyǵyn dáleldeıdi.