Qazgıdromet el aımaqtarynda 16 tamyzda bolatyn qaýipti meteorologıalyq qubylystarǵa boljaý konsýltasıasyn jarıalady, dep habarlaıdy aqshamnews.kz.
Soltústik-batys sıklonynyń áserinen Qazaqstannyń basym bóliginde aýa raıynyń turaqsyz sıpaty saqtalady, naızaǵaı, burshaq jáne daýylmen jańbyr jaýady, eldiń soltústik-batysynda, soltústiginde qatty jańbyr jaýady. Respýblıka boıynsha jeldiń kúsheıýi kútiledi, soltústik-batysta, soltústikte, eldiń ortalyǵynda tuman bolady.
Kúndiz Almaty, Shyǵys Qazaqstan, Jetisý oblystarynda, Abaı oblysynyń ońtústiginde qatty ystyq kútiledi.
Atyraý, Abaı oblystarynda, Ulytaý jáne Jetisý oblystarynyń shyǵysynda, Qaraǵandy oblysynda, Batys Qazaqstan oblysynyń ońtústiginde, shyǵysynda, ortalyǵynda, Shyǵys Qazaqstan oblysynyń soltústik-batysynda, ortalyǵynda, Mańǵystaý oblysynyń batysynda, ońtústik-shyǵysynda, Almaty oblysynyń ońtústik jartysynda joǵary órt qaýpi saqtalady.
Mańǵystaý, Qyzylorda, Túrkistan, Almaty, Jambyl, Ulytaý jáne Jetisý oblystarynda, Atyraý oblysynyń ońtústik-batysynda, soltústik-shyǵysynda, Qostanaı, Shyǵys Qazaqstan, Qaraǵandy oblystarynyń ońtústiginde, Abaı oblysynyń batysynda, soltústik-batysynda, ońtústiginde tótenshe órt qaýpi saqtalady.