Aýdan turǵyndardy tolǵandyratyn máselelerdiń biri kóshelerdi syrtqy jaryqtandyrý bolyp qala beredi. Bul jaıynda Almaty qalasynyń ákimi E.Dosaevtyń Túrksib aýdany turǵyndarymen kezdesýinde málim boldy, dep habarlaıdy almaty-akshamy.kz.
Jaryqtandyrý jelilerine qyzmet kórsetý boıynsha ókilettikter 2023 jyldyń kúzinen bastap aýdandyq ákimdikterge berildi. Ótken jyldyń qazan aıynda aýdan ákimdigi «Almaty Qala Jaryq» kompanıasymen shart jasasqan.
2023 jyldyń qarasha-jeltoqsan aılarynda jóndeý brıgadalarymen 520 ótinim pysyqtalyp, 872 sham aýystyryldy, sondaı-aq 16 kósheniń jaryqtandyrý tirekterinde energıa únemdeıtin LED shamdary ornatyldy. Jalpy, 2024 jyldyń sońyna deıin aýdan boıynsha kóshe jaryǵyn 85% - ǵa deıin qalpyna keltirý josparlanýda. 2025 jyly 100% - ǵa deıin jetkizip, barlyq kóshelerdi jaryqtandyrý josparlanýda, dedi qala ákimi E.Dosaev.