Turǵyndardy turaqty elektrmen qamtamasyz etý úshin 2023 jyly «Shýaqty» shaǵyn aýdanynda 5,5 shaqyrym elektr berý jelileri modernızasıalandy.
Bul týraly Almaty qalasynyń ákimi Túrksib aýdany turǵyndarymen kezdesýinde aıtty, dep habarlaıdy almaty-akshamy.kz.
Osy jyldyń 2-shi toqsanynda «Álmerek», «Nurshashqan», «Qaırat» shaǵyn aýdanynda 161,5 shaqyrym jelini jańǵyrtý jumystary aıaqtalady. Osylaısha atalǵan shaǵyn aýdandardaǵy máseleniń sheshimin tabatyn bolamyz, deıdi qala ákimi.
Budan basqa, bir aı ishinde «Qaırat» shaǵyn aýdanynyń turǵyndary «Kishi Stanısa» qosalqy stansıasy arqyly qalalyq jelige aýysady, bul shaǵyn aýdandy úzdiksiz elektrmen jabdyqtaýdy qamtamasyz etýge múmkindik beredi.