Qorǵanys mınıstriniń keńesshisi Aıgúl Tólembaeva merzimdi qyzmettegi áskerılerdi aqysyz oqytý úshin ótkizilgen alǵashqy irikteýdiń qorytyndysyn jarıalady, dep habarlaıdy Almaty -akshamy. kz
Baıqaýǵa bıyl kóktemde zapasqa shyǵarylǵan azamattar qatysty. İrikteý áskerı qyzmetshiler reıtıńi boıynsha júrgizildi. Úmitkerlerdiń jetistikteri men kemshilikteri týraly barlyq derek mınıstrlik saıtynyń «Srochnıkı 2.0» sıfrlyq platformasynda tirkeldi. Derekterdi aýystyrý múmkindigi joq. Konkýrstyq irikteýge barlyǵy 12 myńnan astam merzimdi qyzmettegi sarbaz qatysty. İrikteýden ótpegender boryshyn ótegen soń 2 jyl ishinde UBT tapsyrmaı, aqyly negizde joǵary oqý oryndaryna túse alady.
« Merzimdi áskerı qyzmet sarbazdary úshin bilim berý jeńildikterin alý múmkindigi kózdelgen. Memleket basshysy Q. Toqaev mamyr aıynda bolǵan búkilarmıalyq keńeste bul bastamaǵa oń baǵa berdi jáne ony júzege asyrý boıynsha tıisti tapsyrmalar bergen bolatyn. Qazirgi ýaqytta elimizdiń 70-ten astam JOO-men kelisimshartqa qol qoıylǵan», - deıdi QR Qorǵanys mınıstrligi apparatynyń basshysy Erbol Qumarbekuly.