Qazir járdemaqy 1 jasqa deıingi balalarǵa tólenedi.
Qazaqstan Respýblıkasy Eńbek jáne halyqty áleýmettik qorǵaý mınıstrligi «Balaly otbasylarǵa beriletin memlekettik járdemaqylardy taǵaıyndaý jáne tóleý qaǵıdalaryn bekitý týraly» atty Qazaqstan Respýblıkasy Densaýlyq saqtaý jáne áleýmettik damý mınıstriniń buıryǵyna ózgerister men tolyqtyrýlar engizdi, dep habarlaıdy Almaty-akshamy.kz
Bala bir jarym jasqa tolǵanǵa deıin onyń kútimine baılanysty taǵaıyndalatyn jáne tólenetin aı saıynǵy memlekettik járdemaqy tóleý kózdelgen.
Qazirgi ýaqytta bala kútimi boıynsha járdemaqy 1 jasqa deıingi balalarǵa tólenedi.
Bala kútimi boıynsha járdemaqy bala týǵan kúnnen bastap bir jasqa tolǵan kúnge deıin, al balany (balalardy) asyrap alǵan jáne ata-anasynyń qamqorlyǵynsyz qalǵan bir jarym jasqa deıingi balaǵa qamqorshylyq taǵaıyndalǵan jaǵdaılarda - balany (balalardy) asyrap alý týraly sot sheshimi zańdy kúshine engen kúnnen bastap nemese qorǵanshy taǵaıyndalǵan kúnnen bastap bala bir jarym jasqa tolǵan kúndi qosa alǵan kúnge deıin taǵaıyndalady;
Bala kútimi boıynsha járdemaqyny taǵaıyndaǵan kezde otbasy quramynda tiri týǵan, asyrap alynǵan, sondaı-aq qamqorshylyqqa (qorǵanshylyqqa) alynǵan balalar, eger basqa ata-ananyń otbasynda eskerilmese, ógeı balalar da eskeriledi;
Bul rette, otbasy quramynda ózderine qatysty ata-analary ata-ana quqyqtarynan aıyrylǵan nemese ata-ana quqyqtary shektelgen balalar eskerilmeıdi;
Eger bir jarym jasqa tolmaǵan bala qaıtys bolǵannan keıin kútim jónindegi járdemaqyny taǵaıyndaýǵa júgingen jaǵdaıda kútim jónindegi járdemaqy qaıtys bolý aıyn qosa alǵanda taǵaıyndalady;
Qandastarǵa bala kútimi boıynsha járdemaqy bala týǵan kúnnen bastap, biraq qandas mártebesi belgilengen kúnnen keıin taǵaıyndalady;
Járdemaqy taǵaıyndaý jónindegi ýákiletti organ «Memlekettik kórsetiletin qyzmetter týraly» Qazaqstan Respýblıkasy zańynyń 5-baby 2-tarmaǵynyń 11) tarmaqshasyna sáıkes aqparattandyrý salasyndaǵy ýákiletti organ belgilegen tártippen memlekettik qyzmet kórsetýdi monıtorngteý aqparattyq júıesine memlekettik qyzmet kórsetý kezeńi týraly derekter engizýdi qamtamasyz etedi;
Bala bir jarym jasqa tolǵanǵa deıin onyń kútimi boıynsha járdemaqy alýshy qaıtys bolǵan (sot habarsyz ketken nemese qaıtys boldy dep jarıalaǵan), ata-ana quqyǵynan aıyrylǵan nemese odan shektelgen, bas bostandyǵynan aıyrý oryndarynda jazasyn ótep jatqan jaǵdaılarda, zańnyń 4-baby 1-tarmaǵynyń 2) tarmaqshasyna sáıkes mindetti áleýmettik saqtandyrý júıesiniń qatysýshylary bolyp tabylatyn adamdardy qospaǵanda, bala bir jarym jasqa tolǵanǵa deıin oǵan kútimdi júzege asyratyn adamǵa járdemaqy tóleý járdemaqy taǵaıyndaý jónindegi ýákiletti organ bekitken sheshim negizinde júrgiziledi;
Toqtatyla turǵan (toqtatylǵan) tólemderdi qalpyna keltirý kezinde ótinish berýshi qaıta usynǵan, tólemdi qalpyna keltirý úshin qajetti qujattarmen tolyqtyrylǵan elektrondyq sheshim jobasy bar elektrondyq is maketin Memlekettik korporasıa bólimshesiniń daıyndaýy jáne ony járdemaqy taǵaıyndaý jónindegi ýákiletti organnyń bekitýi toqtatyla turǵan ne qalpyna keltirýge quqyq bastalǵan kúnnen bastap, biraq zańnyń 4-baby 1-tarmaǵy 3) jáne 4) tarmaqshalarynda kórsetilgen negizder boıynsha júginer aldyndaǵy úsh jyldan asyrmaı, Zańnyń 4-babynyń 1-tarmaǵy 2) tarmaqshasynda kórsetilgen negizder boıynsha bala bir jarym jasqa tolǵan kúnnen keshiktirmeı, osy qaǵıdalarǵa 17, 18, 19 jáne 21-qosymshalarǵa sáıkes nysandar boıynsha júrgiziledi.