Bes óńirde tuman, boran, kóktaıǵaq bolady
15 aqpanda elimizdiń bes oblysynda kóktaıǵaq, qarly boran, tuman bolady dep boljanady, dep habarlaıdy Almaty-akshamy.kz "Qazgıdromet" RMK-ǵa silteme jasaı otyryp.
Túnde jáne tańerteń Atyraý oblysynyń ońtústiginde, batysynda boran boraıdy dep boljanady. Oblystyń batysynda, soltústiginde kóktaıǵaq oryn alady. Oblystyń ońtústiginde, batysynda ońtústik batystan soqqan jeldiń ekpini 15-20 m/s quraıdy. Atyraýda túnde jáne tańerteń boran boraıdy. Ońtústik batystan túnde soqqan jeldiń ekpini 15-20 m/s jetedi.
Túnde Batys Qazaqstan oblysynyń ońtústik-batysynda, soltústiginde kóktaıǵaq bolady dep kútiledi. Kúndiz oblystyń ońtústiginde, shyǵysynda tuman túsýi yqtımal. Oral qalasynda túnde kóktaıǵaq bolady dep boljanady.
Kúndiz Aqtóbe oblysynyń batysynda, soltústiginde boran boraıdy dep kútiledi. Kúndiz oblystyń batysynda, soltústiginde ońtústik shyǵystan, ońtústikten 15-20 m/s jyldamdyqpen jel soǵady.
Mańǵystaý oblysynyń soltústiginde, batysynda kóktaıǵaq bolady dep kútiledi. Oblystyń batysynda, ońtústiginde ońtústik-shyǵystan soqqan jeldiń ekpini 15-20 m/s quraıdy. Aqtaýda kúndiz ońtústik shyǵystan soqqan jeldiń ekpini 15-18 m/s jetedi.
Qaraǵandy oblysynyń batysynda, ortalyǵynda jaıaý burqasyn júredi. Oblystyń ortalyǵynda, shyǵysynda ońtústik shyǵystan soqqan jeldiń ekpini 18 m/s bolady.