Almaty qalasy aýmaqtyq saılaý komısıasynyń tóraǵasy Aıgúl Qalyqova «Radıoelektronıka jáne baılanys Áskerı-ınjenerlik ınstıtýty» RMM №143 saılaý ýchaskesinde daýys berýdi merziminen buryn aıaqtaýǵa qatysty túsinikteme berdi, dep habarlaıdy Almaty-akshamy.kz
«Almaty qalasy Áýezov aýmaqtyq saılaý komısıasynyń QR «Qazaqstan Respýblıkasyndaǵy saılaý týraly» Konstıtýsıalyq zańynyń negizinde shyǵarylǵan bıylǵy 6 naýryzdaǵy daýys berýdiń bastalýy men aıaqtalýynyń ózge ýaqytyn belgileý týraly» sheshimine sáıkes, daýys berý saǵat 06:00-de bastalady dep belgilendi. Bul saılaý ýchaskesi boıynsha daýys berýdiń bastalý ýaqyty týraly aqparat «Almaty Aqshamy» jáne «Vechernıı Almaty» gazetterinde jarıalandy. Ýchaskede senimdi adamdar men baqylaýshylar boldy. Daýys berý saǵat 10:00 shamasynda aıaqtaldy, bul ýaqytqa deıin osy ýchaskede tirkelgen saılaýshylar daýys berip bitti. Budan keıin algorıtmge sáıkes, qujattar №9 aýdandyq saılaý komısıasyna jáne Áýezov aýmaqtyq saılaý komısıasyna tapsyryldy»,-dedi ol.
.