Sınoptıkterdiń boljaýynsha, 14 tamyzda elimizdiń basym bóligi antısıklonnyń yqpalynda bolǵandyqtan, jaýyn-shashyn bolmaıdy, tek shyǵysta jáne ońtústik-shyǵysta atmosferalyq aǵyndar ótetindikten naızaǵaı oınap, jaýyn jaýýy yqtımal.
Senbide elimizdiń basym bóliginde kún ashyq, tek shyǵys pen ońtústik-shyǵysta jel kúsheıip jaýyn jaýady, dep habarlaıdy Almaty-akshamy.kz Qazgıdrometke silteme jasap.
Elimizdiń ońtústik-shyǵysynyń keı jerlerinde nóser jańbyr jaýady, keı jerlerinde burshaq jaýyp, daýyl soǵady, jel kúsheıedi. Elimizdiń keı jerlerinde tuman túsip, ońtústikte jáne batysta shańdy daýyl soǵady. Shyǵys Qazaqstan oblysynyń keı jerlerinde naızaǵaı oınap, burshaq jaýady, daýyl soǵýy múmkin, jel 15-20 m/s kúsheıedi. Jambyl oblysynyń keı jerlerinde naızaǵaı oınap, burshaq jaýady, daýyl soǵýy múmkin, jel 15-20 m/s kúsheıedi.
Almaty oblysynyń keı jerlerinde naızaǵaı oınap, burshaq jaýýy múmkin, jel 15-20 m/s kúsheıedi, ekpini jetedi.
Qaraǵandy oblysynyń keı jerlerinde naızaǵaı jarqyldaıdy, kúndiz keı jerlerde jel 15-20 m/s kúsheıedi. Túrkistan, Mańǵystaý oblystarynyń, kúndiz Qyzylorda oblysynyń keı jerlerinde jel 15-20 m/s kúsheıedi. Túnde jáne tańerteń Aqmola, Soltústik Qazaqstan, Pavlodar oblystarynyń keı jerlerinde tuman túsedi. Kúndiz Atyraý, Mańǵystaý, Batys Qazaqstan oblystarynyń keı jerlerinde qatty ystyq bolady. Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan, Almaty oblystarynyń basym bóliginde, Qaraǵandy oblysynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady.