Djordjıa shtatyndaǵy oqıǵa saldarynan birneshe adam zardap shekti.
Bul týraly CNN arnasyna shtattyń tergeý búrosynyń dırektory Krıs Hoýzı habarlady. Kúdikti 14 jastaǵy Kolt Greı qamaýǵa alyndy, dep habarlaıdy aqshamnews.kz
Krıs Hoýzıdiń aıtýynsha, Kolt Greı – osy mekteptiń oqýshysy. Oǵan jaqyn arada adam óltirdi degen aıyp taǵylmaq.
«Apalachı» mektebindegi atys 4 qyrkúıek kúni boldy. Nátıjesinde 4 adam qaza tapty (eki muǵalim men eki oqýshy), shamamen 30 adam jaraqat aldy.
CNN arnasy quqyq qorǵaý organdaryna silteme jasaı otyryp, atys bastalmaı turyp, bes mektepte atys bolatyny týraly eskertý qońyraýy túskenin habarlady.
Sol habarlamada «Apalachı» birinshi bolatyny aıtylǵan. Basqa oqý oryndarynda atys týraly málimetter kelip túspegen.