Jańarý kúnin jaqsylyqqa balaǵan Áýezov aýdanynyń turǵyndary bul kúni №116 mektep pen №119 mektep aýlalaryndaǵy fýtbol alańdaryn jasyl jelekpen kómkerdi.
«Jańa kóshetter – tyń ıdeıalar – el damýynyń jańa kezeńi» degen atpen uıymdastyrylǵan is-sharaǵa aýdandyq Ardagerler keńesi men Komúnıtı ortalyǵynyń músheleri, aýdan jastarynan 70 adam qatysyp, 125 túp aǵash otyrǵyzyldy, dep habarlaıdy almaty-akshamy.kz.
Ulystyń Uly kúni Naýryz meıramymen quttyqtaǵan aǵa býyn jastarǵa ár jyly Naýryz merekesin kógaldandyrý men tazartýdan bastaýdy dástúrge aınaldyrý qajet ekenin aıtyp, batalaryn berdi.
- «Jańarý» kúni – sózbe-sóz maǵynasynda da, qoǵamdyq-saıası turǵyda da «ómirdiń jańarýyn» beıneleıtin jappaı aǵash otyrǵyzý sharasy uıymdastyrylady.
- «Jańarý» kúni barsha azamattardy ortaq maqsattarǵa jetý jolynda birigýge jáne yntymaqta bolýǵa úndeıdi.
- Bul kún el ómirinde jáne árbir qazaqstandyqtyń ómirinde jańa kezeńniń bastalýyn bildiredi. Bul – alǵa jańa maqsat qoıyp, jańa jobalardy bastaý, eldiń jańa basshylyǵynyń saıası erik-jigeri men pragmatıkalyq ustanymynyń arqasynda ómirdi jaqsylyqqa qaraı ózgertý týraly sheshim qabyldaý ýaqyty.
Aıta keteıik, bıyl Naýryznamnyń onkúndigi 23 naýryzǵa deıin jalǵasady. Mereke aıasynda qalada kóptegen mádenı is-sharalar uıymdastyrylady. Olardyń tolyq tizimin Almaty qalasy ákimdiginiń saıtynan tabýǵa bolady.
