Medeý aýdanynda «Mektepke jol» respýblıkalyq qaıyrymdylyq aksıasy bastaldy.
«Mektepke jol» aksıasy aıasynda Ortalyq mádenıet jáne demalys saıabaǵynda az qamtylǵan jáne kóp balaly otbasylardan shyqqan balalarǵa arnalǵan mektep kerek-jaraqtary men oqýshy kıimderi tabys etildi, dep habarlaıdy Almaty-akshamy.kz
Qaıyrymdylyq is-shara jyl saıynǵy negizde ótkiziledi jáne aǵymdaǵy jyly «Mektepke jol» aksıasy sheńberinde HÁOT sanattarynan shyqqan 1213 oqýshynyń shotyna búdjet qarajaty esebinen 43 000 teńgeden mektep formasyn alý úshin jiberildi. Onyń jalpy somasy 52 mln. teńgeni qurady.
Sondaı-aq, osy aksıa aıasynda aýdan demeýshileriniń qoldaýymen 600 oqýshyǵa qosymsha kómek kórsetildi. Barlyq qatysýshylarǵa mektep formasyn alý úshin sertıfıkattar berildi, mektep sómkesi negizgi keńse taýarlarymen toltyryldy jáne balalarǵa qosymsha atraksıondarǵa bıletter tegin berildi.
2023-2024 oqý jylyna 1-synypqa qabyldaý 1 sáýirden bastalyp, 2023 jyldyń 1 tamyzyna deıin jalǵasty. Nátıjesinde memlekettik mektepterge – 2 888 bala, jekemenshik mektepterge – 716 bala qabyldandy.
«Bul is-sharanyń maqsaty – az qamtylǵan otbasylardyń balalaryna járdemdesý. Bıyl 600-ge tarta bala mektepke qajetti kerek-jaraq aldy. Osy sharýany atqarýǵa muryndyq bolǵan kásipker jomart jandar der edik. Osynyń ózi balalarǵa degen úlken kómek»,-dedi Medeý aýdandyq Qoǵamdyq damý bóliminiń basshysy Sáken Aralbaev.