Eńbek jáne halyqty áleýmettik qorǵaý vıse-mınıstri Oljas Anafın 2023 jáne 2024 jyldary qazaqstandyqtardyń ómir súrý jaǵdaıy jaqsarǵany týraly aıtty.
52 myń qazaqstandyq kedeılik sheginen shyqty, dep habarlaıdy aqshamnews.kz.
Oljas Anafınniń aıtýynsha, az qamtylǵan otbasylarǵa keshendi qoldaý kórsetý sharalarynyń nátıjesinde 2023 jyly ótken jyly AÁK alǵandardyń arasynan 54 myń adam muqtajdyq sheginen shyqqan.
"Bıyl kedeılikten shyqqandar sany 52,5 myń adam boldy", – dedi Anafın OKQ-da ótken brıfıńte.
Sondaı-aq, ol áleýmettik kelisimshartty engizýdiń arqasynda eńbekke qabiletti 16 myń áleýmettik kómek alýshy jumyspen qamtýdyń belsendi sharalaryna tartylǵanyn atap ótti.
"Sonymen qatar, jumyspen qamtý sharalarynyń basym bóligin turaqty jumys oryndary quraıtynyn atap ótken jón. Esepti kezeńde 11,2 myń adam nemese 70 paıyzy turaqty jumys oryndaryna jumysqa ornalastyryldy. 3,5 myń adamǵa nemese 22 paıyzyna ýaqytsha jumysqa ornalasý sharalary kórsetildi, sonyń ishinde: 2,8 myń adam qoǵamdyq jumys oryndaryna, 500 adam áleýmettik jumys oryndaryna ornalastyryldy, 204 adam jastar tájirıbesine jiberildi", – dedi spıker.