Málimdeme uıymnyń resmı saıtynda paıda boldy.
Uıym halyqaralyq tergeý tobyna baqylaýshy retinde IKAO sarapshysyn taǵaıyndap, tergeýdi qoldaýǵa daıyn, dep habarlaıdy aqshamnews.kz
Uıym halyqaralyq azamattyq avıasıa týraly konvensıanyń (Chıkago konvensıasy) 13-shi qosymshasyna sáıkes IKAO-ǵa múshe memleketterdi jan-jaqty jáne táýelsiz tergeý júrgizýdi qoldaý úshin bir-birimen tolyq yntymaqtasýǵa shaqyrady.
«Halyqaralyq azamattyq avıasıa standarttary barlyq zardap shekken memleketterdi shaqyra otyryp, táýelsiz tergeý júrgizýdi talap etedi. Tergeýshilerge apat týraly barlyq tıisti aqparatty berip, osy qaıǵyly jaǵdaıǵa sebep bolýy nemese yqpal etýi múmkin faktiler men kez kelgen yqtımal faktorlar týraly esep berý tapsyryldy. Sondaı-aq olarǵa qorytyndy nátıjesinde qaýipsizdikti jaqsartý boıynsha tıisti sharalardy usyný usynylady», - delingen málimdemede.
Uıym barlyq múddeli memleketter men qyzmet kórsetýshilerdi tergeý prosesimen tolyq yntymaqtastyq sheńberinde barlyq tıisti aqparat pen jazbalardy qorǵaýǵa shaqyrady. Tergeýge qatysýǵa quqyǵy bar elder – operator memleketi, áýe kemesin tirkeıtin memleket, ony qurastyrýshy jáne daıyndaýshy memleket (ushaqtar men qozǵaltqyshtar), sondaı-aq óz azamattaryna ólim nemese aýyr jaraqat alǵan memleketter.
«13-shi qosymshada kózdelgen tergeý keleshekte apattardyń aldyn alý maqsatynda, qaýipsizdik jónindegi derekter men aqparatty jınaý jáne taldaý arqyly júrgiziledi. Konvensıaǵa sáıkes, apattan keıin 30 kún ishinde aldyn-ala esep, al 12 aı ishinde qorytyndy esep berý usynylady. IKAO-nyń qoldaýshy róli osyndaı qaıǵyly oqıǵalardyń aldyn alý úshin osy apatqa yqpal etetin barlyq yqtımal faktorlardy zertteıtin muqıat tergeýdi júrgizýge kómektesedi», - delingen málimdemede.