Birikken Ulttar uıymynyń sheshimimen 11 aqpan kúni Ǵylymdaǵy áıelder men qyz balalardyń halyqaralyq kúni retinde atalyp ótiledi. Bul kún áıelder men qyzdardyń ǵylymǵa tolyq jáne teń qol jetkizýin qamtamasyz etý, olardyń quqyqtary men múmkindikterin qorǵaý, sondaı-aq ǵalym áıelderdi qoldaý jáne olardyń ǵylymı-zertteý qyzmetine belsendi qatysýyn yntalandyrý maqsatynda belgilengen, dep habarlaıdy aqshamnews.kz
Sońǵy 15 jylda búkil álemde názik jandylardy ǵylymǵa tartý maqsatynda kóptegen sharalar júzege asyrylýda. Álem boıynsha ǵalym áıelderdiń úlesi 30%-dy quraıdy. Qazaqstanda da sońǵy ýaqytta ǵalym áıelder sany artqan. Ulttyq statısıka búrosynyń málimetteri boıynsha, Qazaqstanda ǵylymı-zertteý jáne tájirıbelik-konstrýktorlyq jumystarmen aınalysatyn áıel ǵalymdardyń úlesi 54%-dy quraıdy.
Áıelderdiń ǵylymdaǵy jetistikteri:
- Frensıs Arnold – hımıa salasynyń mamany, 2018 jyly Nobel syılyǵyn aldy.
- Donna Strıklend – lazerlik fızıka jáne optıka salasyndaǵy kanadalyq ǵalym, 2018 jyly Nobel syılyǵynyń laýreaty.
- Djeın Gýdoll – aǵylshyn prımatology, antropology, BUU-nyń Beıbitshilik elshisi, shımpanzelerdi zertteýdiń jetekshi sarapshysy.
IýNESKO málimetteri boıynsha, álemde zertteýshilerdiń 30%-y áıelder bolyp tabylady. Alaıda, áıelder áli de ǵylymda genderlik kedergilermen kezdesýde. Áıelderdiń ǵylymdaǵy jetistikteri men úlesi qoǵamnyń damýyna zor yqpal etedi.