Mohnatka taýynyń mańynda demalǵan toptyń quramynda bolǵan 14 jasar jaraqattanǵan týrısi qalamyzdyń Qutqarý qyzmeti senbi kúni qutqaryp qaldy, dep habarlaıdy Almaty-akshamy.kz.
Almaty qalasy ákimi apparatynyń SHJQ «Almaty qalasynyń qutqarý qyzmeti» MKK Baspasóz qyzmetiniń málimetinshe, taýda jaraqattanǵan jasóspirim týraly málimetti Almaty qalasynyń Qutqarý qyzmetine qalalyq TJD kezekshisi 16 saǵat 25 mınýtta tapsyrǵan. Kishi Almaty shatqalyna 109 qyzmetiniń taý bazasynan qutqarýshylardan turatyn ekıpaj birden attandy.
Tizeden jaraqat alǵan zardap shegýshige alǵashqy kómek kórsetilgennen keıin ol taýdyń tómengi jaǵynda kútip turǵan QR İİM TJK «Apattar medısına ortalyǵy» dárigerlerine tapsyryldy. Jaraqat alýshyǵa dárigerlik kómek kórsetilip, oǵan stasıonarlyq emniń qajet emes ekendigi anyqtaldy.
Qutqarýshylar jasóspirimniń tize jaraqatyn taýǵa órmeleý barysynda alǵanyn anyqtady.