105 almatylyq otbasy 158 jetim balaǵa jylýlyq pen qamqorlyq syılady

105 almatylyq otbasy 158 jetim balaǵa jylýlyq pen qamqorlyq syılady Sýret: Óńirlik komýnıkasıalar qyzmeti

Almatyda ata-ana qamqorlyǵynsyz qalǵan balalardy qoldaýǵa baǵyttalǵan bastamalar qarqyndy damyp keledi.

 Óńirlik komýnıkasıalar qyzmetinde ótken baspasóz konferensıasynda «Ulttyq bala asyrap alý agentigi» jobasynyń jetekshisi Farıda Rahmetova Kásibı qabyldaýshy otbasy ınstıtýtyn engizýge arnalǵan jańa zań jobasynyń mańyzdylyǵy týraly aıtty, dep habarlaıdy aqshamnews.kz.

«Ulttyq asyrap alý agenttigi – bul Qazaqstanda asyrap alý mádenıetin damytýǵa jáne kásibı qabyldaýshy otbasylardy qoldaýǵa segiz jyldan beri eńbek etip kele jatqan «Ana úıi» qorynyń mańyzdy bóligi», – dedi Farıda Rahmetova.

Qazirgi ýaqytta Qazaqstanda 20 keńes berý kabıneti jumys isteıdi, onda qor mamandary jetim balalardy otbasyna qabyldaǵysy keletin azamattarǵa kómek kórsetedi. Tek Almatynyń ózinde joba iske qosylǵannan beri 2285 adam mamandardan keńes alyp, al 818 azamat Qabyldaýshy ata-analar mektebinde daıyndyqtan ótti. Osy baǵdarlamanyń nátıjesinde 105 almatylyq otbasy 158 jetim balany óz qanatynyń astyna aldy.

«Sońǵy 12 jyl ishinde ınternattyq mekemelerdegi balalar sany 10 myńnan 4 myńǵa deıin qysqardy. Alaıda sońǵy bes jylda bul kórsetkish ózgerissiz qalyp otyr. Buǵan basty sebep – jetim qalǵan balalardyń kóbiniń jasóspirimder, erekshe qajettilikteri bar balalar nemese baýyrlarynyń bolýy. Mundaı balalardy dástúrli qabyldaýshy otbasylarǵa ornalastyrý qıynyraq», – dep túsindirdi «Ana úıi» qorynyń psıholog qyzmetiniń jetekshisi Laýra Akataeva.

Osyǵan baılanysty Kásibı qabyldaýshy otbasy ınstıtýtyn engizetin zań jobasy ázirlendi. 2025 jyldyń basynda ony Qazaqstan Respýblıkasynyń Prezıdenti Qasym-Jomart Toqaev maquldap, qujat «Neke jáne otbasy týraly» Kodekske resmı túrde engizildi.


Jańa júıe aıasynda qabyldaýshy ata-analar arnaıy daıyndyqtan ótip, kásibı negizde jumys isteıtin bolady dep boljaıdy. Olarǵa memleket tarapynan qarjylyq qoldaý kórsetiledi: árbir ata-anaǵa 70 AEK jáne balany asyraýǵa 10 AEK. Sondaı-aq mundaı otbasylarǵa mindetti qoldaý, onyń ishinde quqyqtyq, áleýmettik jáne psıhologıalyq kómekter engizilýde.di.

«Qabyldaýshy ata-analar qatań irikteýden ótedi, olardyń motıvasıasy men daıyndyq deńgeıin anyqtaý úshin dıagnostıkalyq suhbat júrgiziledi. Sonymen qatar, olar Qabyldaýshy ata-analar mektebinde oqytylyp, bala otbasyna qabyldanǵannan keıin turaqty túrde mamandardyń qoldaýyn alyp otyrady», – dep túıindedi Farıda Rahmetova.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

20:04

16:54

16:01

15:18

15:12

14:02

13:12

12:19

11:36

10:17

10:13

20:50

16:38

16:35

15:52

15:47

14:49

14:11

12:19

11:48

11:32

11:07

10:21

20:29

20:25