Qyzylorda oblysynda búgin respýblıkalyq referendýmǵa 492 myńnan astam adam daýys berýge quqyly. Tańǵy saǵat 7:00-de óńirdegi barlyq referendým ýchaskeleri óz jumysyn bastady.
Saılaý ýchaskesine alǵashqylardyń biri bolyp kelgen 103 jastaǵy maıdanger Iahıa Tasyrov óz tańdaýyn jasady.
Syrdarıa aýdanynda turatyn Ekinshi dúnıejúzilik soǵys ardageri Iahıa Tasyrov referendým kúni belsendilik tanytyp, óz ýchaskesinde daýys berdi. Qarıa bul kúnniń mańyzdylyǵyn atap ótip, komısıa múshelerine aq batasyn berdi.
- Birlik árqashan mańyzdy. El úshin mańyzdy isterge úles qosýymyz qajet. Sondyqtan árbir saıası naýqanda óz tańdaýymdy jasaımyn. Memlekettiń damýy keleshegimiz úshin qajet. Urpaqtarymyz aman bolsyn, - dedi maıdanger.