Almatyda qala ákimi Erbolat Dosaevtyń tapsyrmasy boıynsha «Qaýipsizdiktiń keshendi júıesi» jobasyn iske asyrý aıasynda 186 balabaqshaǵa jabdyqtar ornatý jumystary júrgizildi.
Atap aıtqanda, 8 638 beınebaqylaý júıesi ornatyldy, onyń ishinde 7062 - ishki, 1576 – syrtqy. Sondaı-aq, barlyq balabaqshalar Almaty qalasy Polısıa departamentiniń jedel basqarý ortalyǵyna (JBO) sıgnal berý múmkindigi bar órtke qarsy qaýipsizdik júıesimen jabdyqtalǵan, dep habarlaıdy almaty-akshamy.kz.
Memlekettik menshik nysanyndaǵy mektepke deıingi bilim berý uıymdaryn baqylaý júıelerimen (domofondarmen), beınebaqylaý kameralarymen, dabyl túımelerimen jáne órtke qarsy qaýipsizdiktiń keshendi júıelerimen jaraqtandyrý jumystary oryndaldy. Oǵan 2023 jyly 610 178 mln. teńge bólindi.
2023 jyldyń jeltoqsan aıynyń basynan beri mektepterde ortalyq basqarý ortalyǵyna qosylǵan barlyq beınebaqylaý kameralary men dabyl túımelerin jańartý jumystary bastaldy. Búgingi tańda 131 mektepte jańartý jumystary aıaqtalyp, 77 mektepte jalǵasýda. Sondaı-aq 214 mektepte barlyq qaýipsizdik júıelerin jańartý josparlanǵan. 12 475 beınebaqylaý kamerasy men 214 dabyl túımelerin ornatý josparlanýda. Sıgnaldy tikeleı Jedel basqarý ortalyǵyna jiberý múmkindigine ıe bolatyn órt qaýipsizdigi júıeleri de ornatylady. Sondaı-aq bet-álpetti taný múmkindigi bar 415 týrnıket ornatylady.
Bulardan basqa, 15 ınternat mekemeleri 277 beınebaqylaý júıesimen jabdyqtalǵan. Onyń ishinde: 184-i ishki, 93-i syrtqy. Almaty polısıa departamentiniń Jedel basqarý ortalyǵyna 95 kamera qosyldy. 15 ınternatta dabyl túımeleri ornatylǵan. 15 mektep-ınternattyń 8-de mamandandyrylǵan kúzet qyzmet kórsetedi.
Qala kolejderi de qaýipsizdik júıesimen jabdyqtalǵan. Máselen, 20 kolejde 1503 beınebaqylaý júıesi ornatylǵan. Onyń ishinde: 1064-i ishki, 439-y syrtqy. Bul rette Almaty polısıa departamentiniń Jedel basqarý ortalyǵyna 126 kamera qosylǵan. Dabyl túımeleri men týrnıketter de ornatyldy jáne barlyq 20 kolejge arnaıy kúzet qyzmet kórsetedi.
Sondaı-aq 17 mektepten tys mekemede 436 beınebaqylaý júıesi ornatylǵan. Onyń ishinde: 239-y ishki, 197-si syrtqy. Bul rette Almaty Polısıa departamentiniń jedel basqarý ortalyǵyna 233 kamera qosylǵan. 25 dabyl túımesi ornatylǵan. 7 mektepten tys mekemege týrnıket ornatyldy. Barlyq 17 mektepten tys mekemege mamandandyrylǵan kúzet qyzmet kórsetedi.
Joǵaryda atalǵan barlyq memlekettik bilim berý uıymdarynyń jazbany 30 kún boıy saqtaı alatyn beınebaqylaý jáne qaýipsizdik júıelerimen 100% qamtamasyz etilgenin atap ótý mańyzdy.