Kásipker Tımýr Týrlov Qazaqstan fýtbol quramasyna Grekıany jeńýge motıvasıa berdi
Freedom Holding Corp kompanıasynyń bas dırektory Tımýr Týrlov Qazaqstan fýtbol quramasyna ulttar lıgasynyń jartylaı fınaldyq pleı-off machynda Grekıa quramasyn jeńetin bolsa 100 mıllıon teńge syıaqy bermek, dep habarlaıdy Almaty-akshamy.kz.
Syıaqy kapıtannyń qalaýy boıynsha komandaǵa úlestiriledi.
Sheshýshi kezdesý 21 naýryzdan 22 naýryzǵa qaraǵan túni Afınada ótedi. Machtyń jeńimpazy Grýzıa men Lúksembýrg arasyndaǵy oıynda jeńiske jetken quramamen pleı-off kezeńiniń fınalynda oınaıdy.
«Fýtboldan Eýropa chempıonatyna joldama buryn-sońdy bulaı jaqyn bolǵan emes. Bul qazaqstandyq fýtbol úshin de, el úshin de mańyzdy sát. Kóz aldymyzda ulttyq qurama tarıh jasaýda jáne qazir olarǵa qoldaý kórsetý burynǵydan da mańyzdyraq. Sportshylar uzaq joldan ótti, biraq alda EÝRO-2024 irikteýdegi eń mańyzdy oıyn. Júlde komandaǵa qosymsha motıvasıa beredi dep senemin, sonymen qatar barlyǵymyzdyń Qazaqstan quramasy úshin birge jankúıer bolýymyz da úlken syı bolady dep oılaımyn»! – dedi Týrlov.
2022 jyly Tımýr Týrlov Qazaqstan fýtbol federasıasynyń atqarýshy komıtetiniń quramyna kirdi.