10 jyldan keıin álemde 400 mln adam jumyssyz qalyp, olardy robottar almastyrýy múmkin. Bul – álemdegi barlyq jumys ornynyń 15 paıyzy, dep habarlaıdy almaty-akshamy.kz
Eńbek naryǵyndaǵy ózgerister Eýrazıalyq medıaforýmnyń kezekti sesıasyna arqaý boldy. Spıkerlerdiń aıtýynsha, sıfrlyq júıeniń qarqyndy damýyna baılanysty onlaın formatta bilim berýge suranys artty. Osy turǵyda sarapshylar qajetsiz bolyp qalatyn mamandardy qoldaý týraly aıtty.
– Medıaforým Eýrazıalyq brendke aınaldy. Qurlyqtyq yntymaqtastyq úshin óte qajet alań. Tek buqaralyq aqparat quraldary emes, fýtorologıa men ekologıa salalary qamtylyp jatyr. Men bul halyqaralyq sharanyń ǵumyry uzaq bolýyn tileımin. Belgili bir máselelerdi talqylap qana qoımaı, sheshý joldaryn tabý maqsatyndaǵy jalpyǵa ortaq jumys jemisin beredi dep senemin - dedi Armenıa Respýblıkasy Prezıdentiniń kómekshisi Gevorg Melıkán.