Almatyda úsh qabatty úıde shyqqan órt óshirildi, dep habarlaıdy almaty-akshamy.kz
Shatyrdan shyqqan kók tútindi kórgen adamdar dereý tótenshe jaǵdaılar departamentine qońyraý soqqan. Ǵımarattyń ústińgi qabattarynda páterler bolsa, birinshi qabatta keńseler ornalasqan. Polısıa mańaıdy qorshaýǵa alyp, eshkimdi jaqyndatpady.
Qyzyl jalynmen kúreske 28 arnaıy tehnıka men 90 órt sóndirýshi jumyldyryldy. Aldyn ala boljam boıynsha, órtengen aýmaqtyń kólemi shamamen 1500 sharshy metr.
Abyroı bolǵanda, qyzyl jalynnan zardap shekkender joq.
Turǵyndar men keńse qyzmetkerleri dereý evakýasıalanǵan. Órttiń shyǵý sebebi ázirge belgisiz.